{"kind":"section","lang":"la","language":"Latin","title":"Fables 24","citation":"Phaedrus, Fables 24","ref":"24","level":null,"urn":"urn:cts:latinLit:phi0975.phi001.perseus-lat2:24","url":"https://interlinea.aeterna-institute.org/library/latin/phaedrus/fables/24","api":"https://interlinea.aeterna-institute.org/api/v1/library/latin/phaedrus/fables/24","markdown":"https://interlinea.aeterna-institute.org/library/latin/phaedrus/fables/24.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":40,"text":"Odiosa cornix super ovem consederat;\nQuam dorso cum tulisset invita et diu:\nHoc inquit si dentato fecisses cani,\nPoenas dedisses. Illa contra pessima:\nDespicio inermes, eadem cedo fortibus;\nScio quem lacessam, cui dolosa blandiar;\nIdeo senectam mille in annos prorogo.","prev":{"citation":"Fables 23","label":"Poem 23","url":"https://interlinea.aeterna-institute.org/library/latin/phaedrus/fables/23","api":"https://interlinea.aeterna-institute.org/api/v1/library/latin/phaedrus/fables/23"},"next":{"citation":"Fables 25","label":"Poem 25","url":"https://interlinea.aeterna-institute.org/library/latin/phaedrus/fables/25","api":"https://interlinea.aeterna-institute.org/api/v1/library/latin/phaedrus/fables/25"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}