{"kind":"section","lang":"la","language":"Latin","title":"Fables 3","citation":"Phaedrus, Fables 3","ref":"3","level":null,"urn":"urn:cts:latinLit:phi0975.phi001.perseus-lat2:3","url":"https://interlinea.aeterna-institute.org/library/latin/phaedrus/fables/3","api":"https://interlinea.aeterna-institute.org/api/v1/library/latin/phaedrus/fables/3","markdown":"https://interlinea.aeterna-institute.org/library/latin/phaedrus/fables/3.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":95,"text":"Mercurium hospitio mulieres olim duae\nIlliberali et sordido receperant:\nQuarum una in cunis parvum habebat filium,\nQuaestus placebat alteri meretricius.\nErgo ut referret gratiam officiis parem,\nAbiturus et iam limen excedens ait:\nDeum videtis; tribuam vobis protinus\nQuod quaeque optarit. Mater suppliciter rogat\nBarbatum ut videat natum quam primum suum;\nMoecha ut sequatur sese quicquid tetigerit.\nVolat Mercurius, intro redeunt mulieres.\nBarbatus infans ecce vagitus ciet.\nId forte meretrix cum rideret validius,\nNares replentur umore, ut fieri solet.\nEmungere igitur se volens prendit manu\nTraxitque ad terram nasi longitudinem,\nEt aliam ridens ipsa ridenda exstitit.","prev":{"citation":"Fables 2","label":"Poem 2","url":"https://interlinea.aeterna-institute.org/library/latin/phaedrus/fables/2","api":"https://interlinea.aeterna-institute.org/api/v1/library/latin/phaedrus/fables/2"},"next":{"citation":"Fables 4","label":"Poem 4","url":"https://interlinea.aeterna-institute.org/library/latin/phaedrus/fables/4","api":"https://interlinea.aeterna-institute.org/api/v1/library/latin/phaedrus/fables/4"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}