{"kind":"section","lang":"la","language":"Latin","title":"Fables 30","citation":"Phaedrus, Fables 30","ref":"30","level":null,"urn":"urn:cts:latinLit:phi0975.phi001.perseus-lat2:30","url":"https://interlinea.aeterna-institute.org/library/latin/phaedrus/fables/30","api":"https://interlinea.aeterna-institute.org/api/v1/library/latin/phaedrus/fables/30","markdown":"https://interlinea.aeterna-institute.org/library/latin/phaedrus/fables/30.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":76,"text":"Avis quam dicunt terraneolam rustici,\nIn terra nidum quia componit scilicet,\nForte occucurrit improbae vulpeculae;\nQua visa, pennis altius se sustulit.\nSalve inquit illa cur me fugisti, obsecro?\nQuasi non abunde sit mihi in prato cibus,\nGrilli, scarabaei, locustarum copia:\nNihil est quod metuas: ego te multum diligo\nPropter quietos mores et vitam probam.\nRespondit contra: Tu quidem bene praedicas;\nIn campo non sum, sed par sub divo tibi.\nQuin sequere: salutem tibi non committo meam.","prev":{"citation":"Fables 29","label":"Poem 29","url":"https://interlinea.aeterna-institute.org/library/latin/phaedrus/fables/29","api":"https://interlinea.aeterna-institute.org/api/v1/library/latin/phaedrus/fables/29"},"next":{"citation":"Fables epilogus","label":"Poem epilogus","url":"https://interlinea.aeterna-institute.org/library/latin/phaedrus/fables/epilogus","api":"https://interlinea.aeterna-institute.org/api/v1/library/latin/phaedrus/fables/epilogus"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}