{"kind":"section","lang":"la","language":"Latin","title":"Fables 4.prologus","citation":"Phaedrus, Fables 4.prologus","ref":"4.prologus","level":null,"urn":"urn:cts:latinLit:phi0975.phi001.perseus-lat2:4.prologus","url":"https://interlinea.aeterna-institute.org/library/latin/phaedrus/fables/4.prologus","api":"https://interlinea.aeterna-institute.org/api/v1/library/latin/phaedrus/fables/4.prologus","markdown":"https://interlinea.aeterna-institute.org/library/latin/phaedrus/fables/4.prologus.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":116,"text":"Cum destinassem operis habere terminum\nIn hoc, ut aliis esset materiae satis,\nConsilium tacito corde damnavi meum.\nNam si quis talis etiam tituli est appetens,\nQuo pacto divinabit quidnam omiserim,\nUt illud ipsum cupiat famae tradere,\nSua cuique cum sit animi cogitatio\nColorque proprius? Ergo non levitas mihi,\nSed certa ratio causam scribendi dedit.\nQuare, Particulo, quoniam caperis fabulis,\n(Quas Aesopias, non Aesopi, nomino,\nQuia paucas ille ostendit, ego plures fero,\nUsus vetusto genere, sed rebus novis),\nQuartum libellum, cum vacarit, perleges.\nHunc obtrectare si volet malignitas,\nImitari dum non possit, obtrectet licet.\nMihi parta laus est quod tu, quod similes tui\nVestras in chartas verba transfertis mea,\nDignumque longa iudicatis memoria.\nIllitteratum plausum nec desidero.","prev":{"citation":"Fables 3.epilogus","label":"Poem 3.epilogus","url":"https://interlinea.aeterna-institute.org/library/latin/phaedrus/fables/3.epilogus","api":"https://interlinea.aeterna-institute.org/api/v1/library/latin/phaedrus/fables/3.epilogus"},"next":{"citation":"Fables 4.1","label":"Poem 4.1","url":"https://interlinea.aeterna-institute.org/library/latin/phaedrus/fables/4.1","api":"https://interlinea.aeterna-institute.org/api/v1/library/latin/phaedrus/fables/4.1"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}