{"kind":"section","lang":"la","language":"Latin","title":"Fables 5","citation":"Phaedrus, Fables 5","ref":"5","level":null,"urn":"urn:cts:latinLit:phi0975.phi001.perseus-lat2:5","url":"https://interlinea.aeterna-institute.org/library/latin/phaedrus/fables/5","api":"https://interlinea.aeterna-institute.org/api/v1/library/latin/phaedrus/fables/5","markdown":"https://interlinea.aeterna-institute.org/library/latin/phaedrus/fables/5.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":93,"text":"Ixion quod versari narratur rota,\nVolubilem Fortunam iactari docet.\nAdversus altos Sisyphus montes agit\nSaxum labore summo, quod de vertice\nSudore semper irrito revolvitur,\nOstendit hominum sine fine esse miserias.\nQuod stans in amne Tantalus medio sitit,\nAvari describuntur, quos circumfluit\nUsus bonorum, sed nil possunt tangere.\nUrnis scelestas Danaides portant aquas,\nPertusa nec complere possunt dolia;\nImmo luxuriae quicquid dederis perfluet.\nNovem porrectus Tityos est per iugera,\nTristi renatum suggerens poenae iecur;\nQuo quis maiorem possidet terrae locum,\nHoc demonstratur cura graviore affici.\nConsulto involvit veritatem antiquitas,\nUt sapiens intellegeret, erraret rudis.","prev":{"citation":"Fables 4","label":"Poem 4","url":"https://interlinea.aeterna-institute.org/library/latin/phaedrus/fables/4","api":"https://interlinea.aeterna-institute.org/api/v1/library/latin/phaedrus/fables/4"},"next":{"citation":"Fables 6","label":"Poem 6","url":"https://interlinea.aeterna-institute.org/library/latin/phaedrus/fables/6","api":"https://interlinea.aeterna-institute.org/api/v1/library/latin/phaedrus/fables/6"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}