{"kind":"section","lang":"la","language":"Latin","title":"Fables 6","citation":"Phaedrus, Fables 6","ref":"6","level":null,"urn":"urn:cts:latinLit:phi0975.phi001.perseus-lat2:6","url":"https://interlinea.aeterna-institute.org/library/latin/phaedrus/fables/6","api":"https://interlinea.aeterna-institute.org/api/v1/library/latin/phaedrus/fables/6","markdown":"https://interlinea.aeterna-institute.org/library/latin/phaedrus/fables/6.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":90,"text":"Utilius nobis quid sit dic, Phoebe, obsecro,\nQui Delphos et formosum Parnasum incolis.\nQuid hoc? sacratae vatis horrescunt comae,\nTripodes moventur, mugit adytis Religio,\nTremuntque lauri et ipse pallescit dies.\nVoces resolvit icta Python numine:\nAudite, gentes, Delii monitus dei:\nPietatem colite; vota superis reddite;\nPatriam, parentes, natos, castas coniuges\nDefendite armis, hostem ferro pellite;\nAmicos sublevate; miseris parcite;\nBonis favete, subdolis ite obviam;\nDelicta vindicate; †cohibete impios;\nPunite turpi thalamos qui violant stupro;\nMalos cavete; nulli nimium credite.\nHaec elocuta concidit virgo furens:\nFurens profecto, nam quae dixit perdidit.","prev":{"citation":"Fables 5","label":"Poem 5","url":"https://interlinea.aeterna-institute.org/library/latin/phaedrus/fables/5","api":"https://interlinea.aeterna-institute.org/api/v1/library/latin/phaedrus/fables/5"},"next":{"citation":"Fables 7","label":"Poem 7","url":"https://interlinea.aeterna-institute.org/library/latin/phaedrus/fables/7","api":"https://interlinea.aeterna-institute.org/api/v1/library/latin/phaedrus/fables/7"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}