{"kind":"section","lang":"la","language":"Latin","title":"Fables 9","citation":"Phaedrus, Fables 9","ref":"9","level":null,"urn":"urn:cts:latinLit:phi0975.phi001.perseus-lat2:9","url":"https://interlinea.aeterna-institute.org/library/latin/phaedrus/fables/9","api":"https://interlinea.aeterna-institute.org/api/v1/library/latin/phaedrus/fables/9","markdown":"https://interlinea.aeterna-institute.org/library/latin/phaedrus/fables/9.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":83,"text":"Cum castitatem Iuno laudaret suam,\nIucunditatis causam haud depellit Venus,\nNullamque ut affirmaret esse illi parem,\nInterrogasse sic gallinam dicitur:\nDic sodes quanto possis satiari cibo.\nRespondit illa: Quicquid dederis, satis erit,\nSic ut concedas pedibus aliquid scalpere.\nNe scalpas inquit satis est modius tritici?\nPlane, immo nimium est, sed permittes scalpere?\nEx toto, ne quid scalpas, quid desideras?\nTum denique illa fassa est naturae malum:\nLicet horreum mi pateat, ego scalpam tamen.\nRisisse Iuno dicitur Veneris iocos,\nQuia per gallinam denotarit feminas.","prev":{"citation":"Fables 8","label":"Poem 8","url":"https://interlinea.aeterna-institute.org/library/latin/phaedrus/fables/8","api":"https://interlinea.aeterna-institute.org/api/v1/library/latin/phaedrus/fables/8"},"next":{"citation":"Fables 10","label":"Poem 10","url":"https://interlinea.aeterna-institute.org/library/latin/phaedrus/fables/10","api":"https://interlinea.aeterna-institute.org/api/v1/library/latin/phaedrus/fables/10"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}