{"kind":"section","lang":"la","language":"Latin","title":"Asinaria pr","citation":"Plautus, Asinaria pr","ref":"pr","level":null,"urn":"urn:cts:latinLit:phi0119.phi002.perseus-lat2:pr","url":"https://interlinea.aeterna-institute.org/library/latin/plautus/asinaria/pr","api":"https://interlinea.aeterna-institute.org/api/v1/library/latin/plautus/asinaria/pr","markdown":"https://interlinea.aeterna-institute.org/library/latin/plautus/asinaria/pr.md","author":{"name":"Plautus","url":"https://interlinea.aeterna-institute.org/library/latin/plautus"},"work":{"title":"Asinaria","url":"https://interlinea.aeterna-institute.org/library/latin/plautus/asinaria","urn":"urn:cts:latinLit:phi0119.phi002"},"verse":true,"words":100,"text":"Hoc agite sultis, spectatores, nunciam,\nquae quidem mihi atque vobis res vertat bene\ngregique huíc et dominis atque conductoribus.\nface nunciam tu, praeco, omnem auritum poplum.\nage nunc reside, cave modo ne gratiis.\nnunc quid processerim huc et quid mihi voluerim\ndicam: ut sciretis nomen huius fabulae;\nnam quod ad argumentum attinet, sane brevest.\nnunc quod me dixi velle vobis dicere,\ndicam: húic nomen graece Onagost fabulae;\nDemophilus scripsit, Maccus vortit barbare;\nAsinariam volt esse, si per vos licet.\ninest lepos ludusque in hac comoedia,\nridicula res est. date benigne operam mihi,\nut vos, ut alias, pariter nunc Mars adiuvet.","prev":null,"next":{"citation":"Asinaria 1.1.16-57","label":"Act 1, lines 1.1.16-1.1.57","url":"https://interlinea.aeterna-institute.org/library/latin/plautus/asinaria/1.1.16","api":"https://interlinea.aeterna-institute.org/api/v1/library/latin/plautus/asinaria/1.1.16"},"credit":{"text":"Plautus, Asinaria, ed. Friedrich Leo. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0119/phi002/phi0119.phi002.perseus-lat2.xml","quality":"proofread"}}