{"kind":"section","lang":"la","language":"Latin","title":"Scripta Dubiae Auctoritatis 1.1-15","citation":"Pope Marcus, Scripta Dubiae Auctoritatis 1.1-15","ref":"1.1","level":null,"urn":null,"url":"https://interlinea.aeterna-institute.org/library/latin/pope-marcus/scripta-dubiae-auctoritatis/1.1","api":"https://interlinea.aeterna-institute.org/api/v1/library/latin/pope-marcus/scripta-dubiae-auctoritatis/1.1","markdown":"https://interlinea.aeterna-institute.org/library/latin/pope-marcus/scripta-dubiae-auctoritatis/1.1.md","author":{"name":"Pope Marcus","url":"https://interlinea.aeterna-institute.org/library/latin/pope-marcus"},"work":{"title":"Scripta Dubiae Auctoritatis","url":"https://interlinea.aeterna-institute.org/library/latin/pope-marcus/scripta-dubiae-auctoritatis","urn":null},"verse":false,"words":301,"text":"EPISTOLA (1) SANCTI ATHANASII ET AEGYPTIORUM EPISCOPORUM AD MARCUM PAPAM. (Conc, t. II, col. 466, ad. Labb.). De munero canonum Nicaenorum pro exemplaribus Nicaeni concilii, quia Ariani eorum exemplaria incenderant. Domino sancto et apostolici culminis venerando sanctum Romanae et apostolicae sedis atque universalis ecclesiae papae, Athanasius et universi AEgyptiorum episcopi. Ad vos pervenisse non dubitamus, quanta et qualia ab haereticis, et maxime ab Arianis quotidie patimur: quoniam intantum ab eis persequimur, ut etiam vivere jam nos taedeat. Nam instanti tempore subito et insperate in nos irruentes, nosque juxta praeceptum Domini qui ait: Si vos persecuti fuerint in una civitate, fugite in aliam (Matth., X), fugiendo propter cladem populi eos declinantes, nos comprehendere non valuerunt, sed omnia depopulati sunt. In tantum enim nostra vastaverunt (1), ut nec libros, nec vestimenta ecclesiastica, aliaque ornamenta, nec reliqui utensilia nobis dimitterent. Libros vero nostros usque ad minimum incendentes, nec lota unum relinquentes, propter veritatis fidem, etiam Nicaenam synodum, qua modo clerus et populus imbuebatur, et maxime jam imbuti erant, in contumeliam nostram et omnium Christianorum incenderunt. Quapropter precamur, pater beatissime, quin non dubitamus apud vos plenaria esse Nicaeni concilii exemplaria, ut nobis illa, quae sanctae recordationis praedecessoris Silvestri fuerunt, sub tuta mittatis stipulatione. Nam quando praedictae synodo cura beatae memoriae Alexandro, digno Deo pontifice nostro, id est, Alexandrinae magnae civitatis episcopo, in diaconatus interfuimus officio, sub nostrae praesentiae testimonio, per beatos viros Victorem et Vincentium presbyteros, apostolicae sedis apocrisiarios, missa sunt praedicto papae Silvestre cum adstipulatione subnexa (1) capitula septuaginta. Sane praesentibus nobis octoginta capitula in memorata tractata sunt synodo, scilicet quadraginta a Graecis, graeca edita lingua, et quadraginta a Latinis, similiter latina edita lingua. Sed visum est 318 patribus, Sancto Spiritu repletis, in praedicto concilio congregatis, et maxime jam dicto Alexandro et apostolicae sedis apocrisiariis, ut decem capitula adunarentur aliis, atque congruis locis insererentur;","prev":null,"next":{"citation":"Scripta Dubiae Auctoritatis 1.16-26","label":"1.16 to 1.26","url":"https://interlinea.aeterna-institute.org/library/latin/pope-marcus/scripta-dubiae-auctoritatis/1.16","api":"https://interlinea.aeterna-institute.org/api/v1/library/latin/pope-marcus/scripta-dubiae-auctoritatis/1.16"},"credit":{"text":"Pope Marcus, Scripta Dubiae Auctoritatis, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp92/tmp92/tmp92.tmp92.opp-lat1.xml","quality":"ocr"}}