{"kind":"section","lang":"la","language":"Latin","title":"Carmina 89-152","citation":"Prudentius, Carmina 89-152","ref":"89","level":null,"urn":null,"url":"https://interlinea.aeterna-institute.org/library/latin/prudentius/carmina/89","api":"https://interlinea.aeterna-institute.org/api/v1/library/latin/prudentius/carmina/89","markdown":"https://interlinea.aeterna-institute.org/library/latin/prudentius/carmina/89.md","author":{"name":"Prudentius","url":"https://interlinea.aeterna-institute.org/library/latin/prudentius"},"work":{"title":"Carmina","url":"https://interlinea.aeterna-institute.org/library/latin/prudentius/carmina","urn":null},"verse":true,"words":204,"text":"Quæsitor ille solus\nAnimæque corporisque,\nEnsisque bis timendus\nPrima ac secunda mors est.\nIdem tamen benignus\nUltor retundit iram,\nPaucosque non piorum\nPatitur perire in ævum.\nHuic inclytus perenne\nTribuit pater tribunal:\nHunc obtinere jussit\nNomen supra omne nomen:\nHic præpotens cruenti\nExstinctor Antichristi:\nQui de furente monstro\nPulchrum refert tropæum.\nQuam bestiam capacem,\nPopulosque devorantem,\nQuam sanguinis charybdin,\nJoannes exsecratur.\nHanc nempe, quæ sacratum\nPraeferre nomen ausa\nImam petit gebennam,\nChristo perempta vero.\nTali sopore justus\nMentem relaxat heros,\nUt spiritu sagaci\nCoelum peragret omne.\nNos nil meremur horum,\nQuos creber implet error.\nConcreta quos malarum\nVitiat cupido rerum.\nSat est quiete dulci\nFessum fovere corpus:\nSat, si nihil sinistrum\nVanæ minentur umbræ.\nCultor Dei, memento,\nTe fontis et lavacri\nRorem subisse sanctum;\nTe chrismate innotatum.\nF'ac, cum vocante somno\nCastum petis cubile,\nFrontem, locumque rdis\nCrucis figura signet.\nCrux pellit omne crimen:\nFugiunt crucem tenebrae:\nTali dicata signo\nMens fluctuare nescit.\nProcul, o procul vagantum\nPortenta somniorum.\nProcul esto pervicaci\nPrastigiator astu.\nO tortuose serpens,\nQui mille per Mæandros,\nFraudesque flexuosas\nAgitas quieta corda,\nDiscede, Christus hic est:\nHic Christus est, liquesce:\nSignum, quod ipse nosti,\nDamnat tuam catervam.\nCorpus licet fatiscens\nJaceat redine paulum,\nChristum tamen sub ipso\nMeditabimur sopore.","prev":{"citation":"Carmina 1-5-88","label":"Vi. Hymnus Ante Somnum, lines 1-88","url":"https://interlinea.aeterna-institute.org/library/latin/prudentius/carmina/1-5","api":"https://interlinea.aeterna-institute.org/api/v1/library/latin/prudentius/carmina/1-5"},"next":{"citation":"Carmina 1-6-60","label":"Vii. Hymnus Jejunantium, lines 1-60","url":"https://interlinea.aeterna-institute.org/library/latin/prudentius/carmina/1-6","api":"https://interlinea.aeterna-institute.org/api/v1/library/latin/prudentius/carmina/1-6"},"credit":{"text":"Prudentius, Carmina, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp976/tmp976/tmp976.tmp976.opp-lat1.xml","quality":"ocr"}}