{"kind":"section","lang":"la","language":"Latin","title":"Hymnus tabaci 11","citation":"Raphael Thorius, Hymnus tabaci 11","ref":"11","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/11","api":"https://interlinea.aeterna-institute.org/api/v1/library/latin/raphael-thorius/hymnus-tabaci/11","markdown":"https://interlinea.aeterna-institute.org/library/latin/raphael-thorius/hymnus-tabaci/11.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":170,"text":"RAM. THOR.\nEt fulgere oculis, thyrsumque vibrare lacertis\nFortibus, absentesque laceßere vocibus hostes.\nAttonitus monstro, non huc sine numine, amici\nAppulimus, Silenus ait: nec dona Deorum\nDespicite, ingenitas vires, nec nomina Bacchi,\nNec pudeat, certa salvos à morte fateri\nCaelitus ostenso vitam debere Tabaco:\nAdvenisset enim languentibus integer hostis\nVicta siti manus haec cecidisset victima ferro,\nTinctaque venisset victoria sanguine nullo,\nNunc veniat, validasque manus, animosque virile\nSentiat, &, si mens suadet, fera praelia tentet.\nSed rationis opus; superum nec munera caeco\nContemeranda usu, si quid sapit ista senectus\nViribus eximiis permistum in stirpe venenum\nDelitet, in ventrem virides ne mittite succos,\nManaite nec folia ingestis confusa salivis:\nVirus inest crudis: aestivo Sole recocta\nCredibile est tutos praebere halatibus haustus\nNec ventri, at cerebro, (si tecta evolvere fas est\nPabula grata reor, subtilibus eruta fumis.\nQuare agite, ô juvenes, tam digni muneris aptos\nIngenio, & rapidis extundite mentibus usus.\nDux ego vester ero; quid mens dictaverit, omnes\nAccipite; arentes prolixa uredine frondes\nComminui manibus jubeo, cannaquo reponi,\nProtinus educto radiis solaribus igne","prev":{"citation":"Hymnus tabaci 10","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/10","api":"https://interlinea.aeterna-institute.org/api/v1/library/latin/raphael-thorius/hymnus-tabaci/10"},"next":{"citation":"Hymnus tabaci 12","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/12","api":"https://interlinea.aeterna-institute.org/api/v1/library/latin/raphael-thorius/hymnus-tabaci/12"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}