{"kind":"section","lang":"la","language":"Latin","title":"Hymnus tabaci 12","citation":"Raphael Thorius, Hymnus tabaci 12","ref":"12","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/12","api":"https://interlinea.aeterna-institute.org/api/v1/library/latin/raphael-thorius/hymnus-tabaci/12","markdown":"https://interlinea.aeterna-institute.org/library/latin/raphael-thorius/hymnus-tabaci/12.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":156,"text":"Contingi, & positis adversa parte labellis\nExsucti calidas nubes adducere fumi,\nOcyus ut possint cerebri pervadere flexus,\nVinosisque leves recreare vaporibus auras.\nDixerat: hinc Satyri teretes aptare cicutas;\nDeciduas alij sicca fuscedine frondes\nFrangere: pars tubulos arsuro pulvere complet,\nPars stricto ore trahit (risumque sodalibus affert\nPulvereum flumen, tussesque inducit iniquas.\nIpse pater fremitus vana & conamina risit.\nIgne carent, ignem votis ardentibus optant\nEcce Senex densum, quod habebat mantica, vitrum,\nDepromit, vafri inventum subtile Promothei\nFurati aeternas coeli de fornice flammas.\nHic latet ignis, ait: suscepto & Sole rotundum\nMolliter acclivi depressum in vertice centri\nFrondibus admovit Phoebo penetrabile vitrum\nCuspidis in morem radijs concurritur, auctus\nInde calor sensim serpit, fomentaque circum\nArripit, & fumo vicinum nuntiat ignem.\nApplaudunt Satyri, Faunique, senemque magistrum\nAttollunt humeris, vocesque ad sidera tollunt;\nIpse cavam ante omnes accommodat, ore, cicutam,\nLeniter adducit nebulae mirabiles haustus\nEt ductos patulis fumos è naribus efflat.\nNec mora, permotus subita dulcedine, toto\nCorpore diffusum sentit gestire vigorem,","prev":{"citation":"Hymnus tabaci 11","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/11","api":"https://interlinea.aeterna-institute.org/api/v1/library/latin/raphael-thorius/hymnus-tabaci/11"},"next":{"citation":"Hymnus tabaci 13","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/13","api":"https://interlinea.aeterna-institute.org/api/v1/library/latin/raphael-thorius/hymnus-tabaci/13"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}