{"kind":"section","lang":"la","language":"Latin","title":"Hymnus tabaci 14","citation":"Raphael Thorius, Hymnus tabaci 14","ref":"14","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/14","api":"https://interlinea.aeterna-institute.org/api/v1/library/latin/raphael-thorius/hymnus-tabaci/14","markdown":"https://interlinea.aeterna-institute.org/library/latin/raphael-thorius/hymnus-tabaci/14.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":170,"text":"Indulgent Cereri primo, tum Massica libant,\nViteaque admistis alternant pocula fumis,\nCuncta fremunt fumo, cantu, mistisque choraeis,\nDonec dulcem oculis fudit nox alta soporem.\nPostera ut illuxit laetis aurora, ferique\nAdmonuit belli securas pace phalanges,\nLenaeus pater, & Sileni cana senectus\nExtimulant, si quos festivi hesterna diei\nFregit Luxuries, animosque hortatibus addunt.\nSat poclis, genioque datum; nunc praelia mente\nSollicitant; positas assumite vultibus iras,\nEt forte instanti dextras componite pugnae,\nNe vigil incaute palantibus ingruat hostis\nEt cadat ipsa suas caedes non ulta juventus.\nNec virtus equidem nobis incognita vestra est,\nO Socij, magnis neque non confidimus ausis,\nSed nocet igna vas quamvis contemnere turmas\nSecurosque mali ignotis incedere terris.\nImpavidi ergo animis sedato insistite gressu,\nNeu mala nos iterum letho paenuria mulctet,\nAgmine composito lenti procedite, paeto\nNon sine contrito, promptisque ad labra cicutis\nEt levibus fungis, servato & restibus igne;\nHoc animi surgent ad praelia, nubibus istis\nProdigijque nova specie terrebitur hostis.\nEste viri, famam & factis sperate perennem.\n11. THOR Dixerat: assensum p Et sibi quisque suo stationem corpore serva","prev":{"citation":"Hymnus tabaci 13","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/13","api":"https://interlinea.aeterna-institute.org/api/v1/library/latin/raphael-thorius/hymnus-tabaci/13"},"next":{"citation":"Hymnus tabaci 15","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/15","api":"https://interlinea.aeterna-institute.org/api/v1/library/latin/raphael-thorius/hymnus-tabaci/15"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}