{"kind":"section","lang":"la","language":"Latin","title":"Hymnus tabaci 19","citation":"Raphael Thorius, Hymnus tabaci 19","ref":"19","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/19","api":"https://interlinea.aeterna-institute.org/api/v1/library/latin/raphael-thorius/hymnus-tabaci/19","markdown":"https://interlinea.aeterna-institute.org/library/latin/raphael-thorius/hymnus-tabaci/19.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":169,"text":"Atque hebetes subito restaurat acumine mentes.\nPlanta beata! decus terrarum, munus Olympit\nNon tantum agricolis duro lassata labore\nMembra levas, minuis victus absentis amorem,\nFundis & absque cibo sparsas in corpora vires,\nSed radium specimenque Dei sapientibus ipsis\nIngenium illustras, si quando aut multa tenebras\nColligit ingluvies cerebro, aut molimine longo\nIntellectus hiat, rerum neque concipit umbras,\nConceptasve tenet, vel caeca oblivia regnant\nVt semel irrepsit blando lux indita fumo,\nAufugiunt nubes atrae, curaeque tenaces.\nVis micat in ventrix, dempto velut obice veli\nTota oculis animi patet ampli machina mundi,\nAeternae species Naturae ex ordine nexae\nSuccedunt, redeuntque suis simulacra figuris.\nO quoties visus magna spectante corona\nOrator populi cupidas dicturus ad aures\nontremuisse metu, docti sermonis acervos onfudisse locis, lingua & siluisse rigenti,\nQuum memor ex tantis opibus sopita facultas\nNil daret in vocem, sed res & verba negaret,\nSi modo vel micam generosa è stirpe vorasset\nFumanti tubulo, accenso seu lumine, sensim\nRes reperisse suas, prendisse fugacia verba,\nThesaurosque animi populo exposuisse stupentit\nSi duo praeterea Stagirae in pulvere docto","prev":{"citation":"Hymnus tabaci 18","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/18","api":"https://interlinea.aeterna-institute.org/api/v1/library/latin/raphael-thorius/hymnus-tabaci/18"},"next":{"citation":"Hymnus tabaci 20","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/20","api":"https://interlinea.aeterna-institute.org/api/v1/library/latin/raphael-thorius/hymnus-tabaci/20"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}