{"kind":"section","lang":"la","language":"Latin","title":"Hymnus tabaci 20","citation":"Raphael Thorius, Hymnus tabaci 20","ref":"20","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/20","api":"https://interlinea.aeterna-institute.org/api/v1/library/latin/raphael-thorius/hymnus-tabaci/20","markdown":"https://interlinea.aeterna-institute.org/library/latin/raphael-thorius/hymnus-tabaci/20.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":80,"text":"Laudis amore novo, verive cupidine pulsi,\nPugnam agitant, verbis & digladiantur acutis:\nOmne animi intendunt robur, nervosque fatigant\nNexibus impediant cautum ut subtilibus hostem,\nAut validum incusso rationum pondere sternant.\nStat circum pubes, pulcri & certaminis aequas\nArbiter ingenij aequales utrimque lacertos\nMirantur, crebris vires applausibus augent.\nTandem obtusa acie, ut fessis deferbuit ardor\nLentior & validos insultus lucta remisit,\nSorbeat alteruter, sacrum refletque vaporem,\nIlicet ut tacta Antaeus tellure, resurgit\nFirmior, exhaustumque recens grassatur in hostem:\nfejunus cadit, at sequitur victoria potum.","prev":{"citation":"Hymnus tabaci 19","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/19","api":"https://interlinea.aeterna-institute.org/api/v1/library/latin/raphael-thorius/hymnus-tabaci/19"},"next":{"citation":"Hymnus tabaci 20-2","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/20-2","api":"https://interlinea.aeterna-institute.org/api/v1/library/latin/raphael-thorius/hymnus-tabaci/20-2"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}