{"kind":"section","lang":"la","language":"Latin","title":"Hymnus tabaci 21","citation":"Raphael Thorius, Hymnus tabaci 21","ref":"21","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/21","api":"https://interlinea.aeterna-institute.org/api/v1/library/latin/raphael-thorius/hymnus-tabaci/21","markdown":"https://interlinea.aeterna-institute.org/library/latin/raphael-thorius/hymnus-tabaci/21.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":153,"text":"Iunior in fratrem jaculis ardentibus ibat,\nEt pro dilecta pugnabat serius herba.\nCordatum ante tubam potarat uterque Tabacum,\nImpiger ingenium praeclaro accendere fumo,\nEt mucronatis mentem gravidare sagittis.\nMulta hinc inde agili vibrata hastilia lingua,\nMulta retorta iterum, crepero nec pausa duello\nVlla fuit nisi quam fumi dabat haustus amoeni:\nVnde renascentes stabant ad praelia nervi,\nIn victusque furor carum prosternere fratrem,\nDonec inexhaustis crescentes viribus iras\nAncipitem & litem sententia magna diremit\nRegis inauditae gaudentis honore palestrae:\nRobore sic proprio ceciditque stetitque Tabacum.\nEt nunc de fumo gravibus confligitur armis.\nVsque adeo nil scire datur dubitabile quod non\nIngenij faciat cita vis & gratia linguae.\nSed me perplexi ingreßum spineta Lycaei\nPensi alio textura vocat; quibus herba salubris\nPrincipiis constet, vero mihi carmine dictum est.\nNunc quibus illa viris faveat, quibus illa resistat, Quosque ferat, pellatque aegro de corpore morbos, Expediam, simul ut calicem sicca vero Paeti, Aedibus & vacuis succreverit aucta supellex. RAPHATHORI AETO","prev":{"citation":"Hymnus tabaci 20-2","label":"RAPHAE","url":"https://interlinea.aeterna-institute.org/library/latin/raphael-thorius/hymnus-tabaci/20-2","api":"https://interlinea.aeterna-institute.org/api/v1/library/latin/raphael-thorius/hymnus-tabaci/20-2"},"next":{"citation":"Hymnus tabaci 22","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/22","api":"https://interlinea.aeterna-institute.org/api/v1/library/latin/raphael-thorius/hymnus-tabaci/22"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}