{"kind":"section","lang":"la","language":"Latin","title":"Hymnus tabaci 24","citation":"Raphael Thorius, Hymnus tabaci 24","ref":"24","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/24","api":"https://interlinea.aeterna-institute.org/api/v1/library/latin/raphael-thorius/hymnus-tabaci/24","markdown":"https://interlinea.aeterna-institute.org/library/latin/raphael-thorius/hymnus-tabaci/24.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":175,"text":"Haerebat socijs, & clam post terga subibat\nOlim gratus aper, casu sed surdus iniquo\nNon adeo, ut solitus, suavis comes, atque facetus,\nIussus abire manu, invitus sub tecta redivit.\nRegulus Haematoes, quo non truculentior alter\nVicinos capere, & captos prandere, tenebat\nNon procul imperium vastis inclusus in antris,\nTurpis ubi laniena fuit; juvenumque senumque\nCorpora vincta jacent stabulis, pinguique polentâ\nIngratam cumulant in gaudia dira saginam:\nHuc canibus, jaculisque plagisque sequentibus omne\nCornicinum sonitu & mistis latratibus agmen\nVertit iter, nec longe aberat domus atra Tyranni,\nQualem Dis habitat: primo venientibus antri\nOs immane patet; congestis ossibus albet\nLimen, & affixis apparent culmina tectis,\nConsitus ut scolymis horrescit edalibus hortus:\nQuum capita in squamas longis crevere medullis.\nForte dies genialis erat, Lapithaeque repostis\nInstruere altilibus convivia lauta parabant.\nAgminis ad strepitum cavea caput exerit Heros\nMulleus, & virides exponit vertice plumas:\nMox refugit visis, venit alter, & alter, & antri\nInteriora petunt, nec portam vecte parato\nClaudere, nec miram meminere excludere gentem:\nDum tenet attonitos caecus timor, ilicet Idmon\nPrimus in ignotos audet penetrare recessus,\n(um cane nasuto; sequitur mox caetera pubes","prev":{"citation":"Hymnus tabaci 23","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/23","api":"https://interlinea.aeterna-institute.org/api/v1/library/latin/raphael-thorius/hymnus-tabaci/23"},"next":{"citation":"Hymnus tabaci 25","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/25","api":"https://interlinea.aeterna-institute.org/api/v1/library/latin/raphael-thorius/hymnus-tabaci/25"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}