{"kind":"section","lang":"la","language":"Latin","title":"Hymnus tabaci 25","citation":"Raphael Thorius, Hymnus tabaci 25","ref":"25","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/25","api":"https://interlinea.aeterna-institute.org/api/v1/library/latin/raphael-thorius/hymnus-tabaci/25","markdown":"https://interlinea.aeterna-institute.org/library/latin/raphael-thorius/hymnus-tabaci/25.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":93,"text":"Palpans in tenebris, nisi qua per summa receptus\nTecta viam ostendit sub opaco lumine splendor,\nSilenus medio, extremo tutissimus evan:\nPerveniunt tandem, ducit quo nidor, in aulam\nFerventem fremitu, facies ubi dira culinae\nPerculit ingressos primo, plenique lebetes\nFumantum capitum, verubusque infixa colurnis\nMulta virum femora, & stillantes lancibus armi;\nFoemineique coqui cinctis circum ilia peplis.\nNon procul in clathris porcorum more jacebant\nCorpora dena virûm festo servata propinquo,\nDum crescant adipes, lacrymis quos Liber obortis\nPraeterit. Haematoem attenta dum nare molossi\nVestigat, penitoque latentem affatur in antro,\nSurge miser, vultusque hominum consuesce tueri","prev":{"citation":"Hymnus tabaci 24","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/24","api":"https://interlinea.aeterna-institute.org/api/v1/library/latin/raphael-thorius/hymnus-tabaci/24"},"next":{"citation":"Hymnus tabaci 25-2","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/25-2","api":"https://interlinea.aeterna-institute.org/api/v1/library/latin/raphael-thorius/hymnus-tabaci/25-2"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}