{"kind":"section","lang":"la","language":"Latin","title":"Hymnus tabaci 27","citation":"Raphael Thorius, Hymnus tabaci 27","ref":"27","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/27","api":"https://interlinea.aeterna-institute.org/api/v1/library/latin/raphael-thorius/hymnus-tabaci/27","markdown":"https://interlinea.aeterna-institute.org/library/latin/raphael-thorius/hymnus-tabaci/27.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":177,"text":"Subrisit Pelias: narem compescuit Idmon;\nEuuius increpuit nutu, & sermone benigno\nNon bene constantis vultum firmavit amici.\nEuge virum: ut vero placuit liquor: ille subaudax,\nFronte supercilioque ad verticis ossa retractis,\nEst bonus iste cruor, quocunque e gutture fluxit;\nVix melior pueri imberbis, si quis mihi porro\nPraebeat, haud verear patinam sorbere secundam.\nQuod poscis dabitur: sed pocula jungere poclis\nEt turpe & nocuum. nescis bone, qualis in isto\nSanguine saevitia est; proprio te discere damno\nNon patiar. forte ex alijs sine crimine nosces.\nVt vero patrias crassae caligine mentis\nIgnoratis opes! hebeti tam grata palato\nMunera succiso de cortice sufficit arbos\nObvia, nec sumptu, multo necemenda labore\nSponte suos praebet lanianda securibus artus,\nFundit & aeternos redivivis fontibus amnes:\nCedite, legitimos terrae bona vertite in usus\nDucite nec pulcrum humanis pinguescere venis,\nEt terrae sinibus serpentum more latentes\nLuce, virisque procul naturae extinguere lumen:\nSunt vobis hominum vultus, sunt pectora, nec men\nDegener, intrepidaeque animis ad praelia vires.\nTot bona cur tumulo infoditis? de fronte character\nHumana perijt, nec quamvis sanguine pastis\nSanguineus color est. tumido sed luridus ore","prev":{"citation":"Hymnus tabaci 26","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/26","api":"https://interlinea.aeterna-institute.org/api/v1/library/latin/raphael-thorius/hymnus-tabaci/26"},"next":{"citation":"Hymnus tabaci 28","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/28","api":"https://interlinea.aeterna-institute.org/api/v1/library/latin/raphael-thorius/hymnus-tabaci/28"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}