{"kind":"section","lang":"la","language":"Latin","title":"Hymnus tabaci 28","citation":"Raphael Thorius, Hymnus tabaci 28","ref":"28","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/28","api":"https://interlinea.aeterna-institute.org/api/v1/library/latin/raphael-thorius/hymnus-tabaci/28","markdown":"https://interlinea.aeterna-institute.org/library/latin/raphael-thorius/hymnus-tabaci/28.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":178,"text":"LIB. II.\nDE PA\nPallor inest, oculique latent, discrimina nasum\nNulla genasque inter; facies vesica videtur:\nTempora nuda pilis, putri labra turgida tabo\nEt nigro trepidi promanant sanguine dentes.\nVix animam trahitis, nervis attollere costas\nNon datur, injecto ceu pondere pectus anhelat:\nEst piger excussis genibus gradus, & dapis almae\nNullus amor, sed humi juvat edormire veternum.\nHanc situs, & nunquam soli nec pervia ventis\nAntra dedere luem, spurcoque obsonia succos\nAt magis ira Deum mensis accensa nefandis\nIntulit immundam resoluto robore pestem\nEt jam barbariem luitis, potumque cruorem\nRedditis impuro, qui vos infecerat, ore,\nVt moniti quaeratis opem: sed nec bona vestra\nNec mala novistis; tantus stupor occupat aegros.\nCernitis accenso prognatum pulvere fumum\nNare venire Senis velut exhalante camino?\nPulvis hic herba fuit: vobis vicina Tabaca\nNomine vix noto clarum dedit insula nomen.\nHinc finem sperate malis: tu cane Magister,\nCui natura parens rerum momenta suarum\nCredidit, ingenium remedi percurre, modumque\nNec differ miseris optatam afflare salutem.\nHic, paulum tubulo amoto, stammaque moratus\nMagna jubes, dixit. si quae tamen auribus istis\nDigna putas, dicam, detur modo vita, recensque","prev":{"citation":"Hymnus tabaci 27","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/27","api":"https://interlinea.aeterna-institute.org/api/v1/library/latin/raphael-thorius/hymnus-tabaci/27"},"next":{"citation":"Hymnus tabaci 29","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/29","api":"https://interlinea.aeterna-institute.org/api/v1/library/latin/raphael-thorius/hymnus-tabaci/29"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}