{"kind":"section","lang":"la","language":"Latin","title":"Hymnus tabaci 31","citation":"Raphael Thorius, Hymnus tabaci 31","ref":"31","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/31","api":"https://interlinea.aeterna-institute.org/api/v1/library/latin/raphael-thorius/hymnus-tabaci/31","markdown":"https://interlinea.aeterna-institute.org/library/latin/raphael-thorius/hymnus-tabaci/31.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":167,"text":"Si modo quis constanter amat, nec jurgia curat\nConjugis in fumum insontem maledicta vomentis,\nOscula quod vitiet, nitidas & conspuat aedes.\nVir fuit antiquae fidei, nec moribus asper,\nAequoreas habitans morboso in littore sedes\nLabe nova infames; quos ceperat acre venenum.\nFrendebant medio terebrati abdomine, mox ut\nRepserat extremos morbi violentia in artus:\nTensa velut valido membra omnia fune rigebant,\nNec vis ulla super nec motus ulla facultas.\nIlle malo arreptus, Phoebeas jugiter artes\nImplorabat inops, dedit & medicamina Phoebus\nNequicquam, at solitis conatum lusit in herbis,\nDonec inauditam melior fortuna medelam\nPraebuit, & facili reparavit damna Tabaco.\nInde colit munus Divum, multosque per annos\nObtinet illaesam fumo constante salutem,\nCum prius incerto vitae, tremulisque lacertis\nImportuna lues, necdum superata rediret:\nNempe salis pungens acies obtusa sopore\nDesijt in molles mucronem intendere nervos.\nSic ubi radicem dentis deterrimus humor\nVellicat, ardentemque inflavit tubere duro,\nQualem offert nucibus conclusis simia, buccam,\nFumus in os veniat, parvoque ut tempore clausus\nManserit, extemplo, gemitusque tumorque recedent.\nSic aliae nigrant afflicto Scorpore pestes,\nQuas","prev":{"citation":"Hymnus tabaci 30","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/30","api":"https://interlinea.aeterna-institute.org/api/v1/library/latin/raphael-thorius/hymnus-tabaci/30"},"next":{"citation":"Hymnus tabaci 32","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/32","api":"https://interlinea.aeterna-institute.org/api/v1/library/latin/raphael-thorius/hymnus-tabaci/32"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}