{"kind":"section","lang":"la","language":"Latin","title":"Hymnus tabaci 35","citation":"Raphael Thorius, Hymnus tabaci 35","ref":"35","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/35","api":"https://interlinea.aeterna-institute.org/api/v1/library/latin/raphael-thorius/hymnus-tabaci/35","markdown":"https://interlinea.aeterna-institute.org/library/latin/raphael-thorius/hymnus-tabaci/35.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":134,"text":"Quisquis is est, nodum neque dissolvisse pigebit:\nHunc ergo jubeo in mentem revocare, quod olim\nSanximus, adversas simul hic subsistere vires;\nNempe sale hinc stimulat naturam pellere tardam,\nAc veluti vivis pigram calcaribus urget:\nParte alia exhalans nebuloso sulfure somnos,\nSistit, & effusam facili compescit habenâ.\nAc velut indomitus sonipes juxta ilia fossus\nEvolat, & fraeno deinceps parere recusat;\nSic ubi depultrix validè movet, & retinendi\nVis labat, ut leviter tacta est, ruit impete multo,\nNec motam retinere leve est, nec tollere lapsam,\nEt magis effluxisse nocet, quam clausa manere:\nVsque adeo multum est rerum momenta, modumque\nTemporaque, & quae sit cunctis natura, tenere:\nSic virtus viget ipsa, viget quoque corporis aetas,\nVtraque deliquio tandem nimioque labascit.\nNil melius vinos vinum tamen omnibus aequo\nNon datur in cyatho, nec sugitur omnibus horis;\nImmo etiam quandoque necat, quandoque furorem","prev":{"citation":"Hymnus tabaci 34","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/34","api":"https://interlinea.aeterna-institute.org/api/v1/library/latin/raphael-thorius/hymnus-tabaci/34"},"next":{"citation":"Hymnus tabaci 36","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/36","api":"https://interlinea.aeterna-institute.org/api/v1/library/latin/raphael-thorius/hymnus-tabaci/36"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}