{"kind":"section","lang":"la","language":"Latin","title":"Hymnus tabaci 36","citation":"Raphael Thorius, Hymnus tabaci 36","ref":"36","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/36","api":"https://interlinea.aeterna-institute.org/api/v1/library/latin/raphael-thorius/hymnus-tabaci/36","markdown":"https://interlinea.aeterna-institute.org/library/latin/raphael-thorius/hymnus-tabaci/36.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":167,"text":"Suscitat, interdum rationem largior haustus\nObruit in spatium, quo mobilis orbit a coeli\nVolvitur, inque locum redit unde exiverat ante.\nSolvitur interea strictis nisi crapula vinclis,\nEbrius expirat, saltem expirasse putatur.\nHaud procul exemplum: nuper Satyriscus Adonis,\nDum tua festa colit, rex ô Lenaee, sepultus\nEt vino & somno, sub terram ut mortuus ivit\nPostridie effossus vitae manifesta receptae\nSigna dedit, capite effracto manibusque cruentis.\nAt miser adversus mortem cubitoque genuque\nConfligens, animam clausa colliserat arca.\nQuid tam funestum nostrae adversarius arti\nObjiciat? nulli, quantum vis multa, obeundi\nCausa fuit, mentem nulli, quod constet, ademit:\nContra laetitia in magna, dum pocla salutis\nOrdine discurrunt, si quis temerarius audet\nIura insana sequi calicum, pugnamque lacessit,\nNe titubet ratio, aut gressu titubante vacillet\nArripiat tubulum, medicam intermisceat auram,\nSurget inoffenso vultu, bene condita verba\nSobrius exponet, fumi dum nescia turba\nInstabilis prodet vibrantes fronte lucernas,\nEt gressu insolito dabit irrisoribus ansam.\nNempe tuus fumo, Bisenate, retunditur ignis,\nMobilis & rabies blando torpore quiescit.\n(Nec ferat invidiam quae dat tibi copula laudem","prev":{"citation":"Hymnus tabaci 35","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/35","api":"https://interlinea.aeterna-institute.org/api/v1/library/latin/raphael-thorius/hymnus-tabaci/35"},"next":{"citation":"Hymnus tabaci 37","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/37","api":"https://interlinea.aeterna-institute.org/api/v1/library/latin/raphael-thorius/hymnus-tabaci/37"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}