{"kind":"section","lang":"la","language":"Latin","title":"Hymnus tabaci 37","citation":"Raphael Thorius, Hymnus tabaci 37","ref":"37","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/37","api":"https://interlinea.aeterna-institute.org/api/v1/library/latin/raphael-thorius/hymnus-tabaci/37","markdown":"https://interlinea.aeterna-institute.org/library/latin/raphael-thorius/hymnus-tabaci/37.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":180,"text":"RAEH. THO\nNon melius lapidi Herculeo Chalybumque metal\nConvenit, optatum quam quaerunt vina Tabacum:\nSic operas praestant inter se, junctaque multo\nNobilibus sapiunt, quam degustata seorsim.\nDenique mortales, quantum est, conducit in usus,\nNec quicquam, ut suis occisi, non utile; flammae\nQui superat post sata cinis rubigine foeda\nDefricat, & flavos facit excandescere dentes:\nFumus & ipse (novum auditu) consistere jussus\nParet, & emissus per conniventia labra,\nOre manu impresso, fulvum densatur in unguem\nVirginibus carum, quibus à serpigine longa\nPrurit scabra manus, manantibus undique rimis;\nLaevigat admotum, & splendorem inducit eburnum\nNon sine portento; nec parvo gratia constat.\nNamque per arcanos penetrabilis aura meatus\nCor quatit, & stomachi vinclis utrimque solutis,\nAeolium ventis subvertit olentibus utrem:\nSed vita incolumi, ridentibus affatim amicis,\nInde metus tutos, decus inde doloribus emptum.\nIam bona decerpsi: nunc si quae incommoda ab usu\nObveniunt, seu sint vere, seu vera videntur,\nExpediam, longa nec vos ambage morabor.\nInsimulatur enim, clarae quod mentis acumen\nObtundat, speciesque locis posituque decenti\nConfundat tenebris, & nigra oblivia ducat:\nCrimen atrox; sed quod vel prava calumnia finxit,\nVel bona simplicitas: non est, quia non potis esse:","prev":{"citation":"Hymnus tabaci 36","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/36","api":"https://interlinea.aeterna-institute.org/api/v1/library/latin/raphael-thorius/hymnus-tabaci/36"},"next":{"citation":"Hymnus tabaci 38","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/38","api":"https://interlinea.aeterna-institute.org/api/v1/library/latin/raphael-thorius/hymnus-tabaci/38"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}