{"kind":"section","lang":"la","language":"Latin","title":"Hymnus tabaci 39","citation":"Raphael Thorius, Hymnus tabaci 39","ref":"39","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/39","api":"https://interlinea.aeterna-institute.org/api/v1/library/latin/raphael-thorius/hymnus-tabaci/39","markdown":"https://interlinea.aeterna-institute.org/library/latin/raphael-thorius/hymnus-tabaci/39.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":157,"text":"Spiritus eversa poterat durare fabrina.\nQuod si praestanti folio suppressa periret\nVis reminiscendi, cur tot praegnantia rebus\nPectora vastitiem quaesitae laudis amarent?\nQualia nota, quibus nihil ignoratur eorum\nQuae callere licet, quibus est dilecta voluptas\nCondere res animo, populique astante corona\nCondita mente prius memori diffundere lingua:\nAt thalamos contristat iners, piger halitus, ipso\nCastior, abstrusas partes qui fascinat, agno.\nAudio foemineas voces; nam mascula virtus\nLaudarit potius rabidi sufflamen amoris.\nNon hodierna quidem infirmi querimonia sexus,\nMatronis odium est, ex quo Vulcania conjux\nFrigore suspectam gelidis certare cicutis\nInferri in Cyprum vetuit Cytherea Paphumque,\nBello nempe redux inter convivia Divûm\nevius ut domitae obtulerat nova gaudia terrae,\nIuppiter ante alios, & cum love Mulciber & Mars\nAtlantisque Nepos, & nectare plenus Apollo,\nFumivomis olidam simularant naribus Aetnam.\nRidebant novitate Deae, sed nocte sopora\nOffensae statuere suo depellere coelo\nThessalicos ritus, vigilesque tenere maritos.\nErgo postridie simul ac fumosa supellex\nProdit, prima Venus coepti manifesta protery\nInvolat in mercem, luxumque","prev":{"citation":"Hymnus tabaci 38","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/38","api":"https://interlinea.aeterna-institute.org/api/v1/library/latin/raphael-thorius/hymnus-tabaci/38"},"next":{"citation":"Hymnus tabaci 40","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/40","api":"https://interlinea.aeterna-institute.org/api/v1/library/latin/raphael-thorius/hymnus-tabaci/40"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}