{"kind":"section","lang":"la","language":"Latin","title":"Hymnus tabaci 40","citation":"Raphael Thorius, Hymnus tabaci 40","ref":"40","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/40","api":"https://interlinea.aeterna-institute.org/api/v1/library/latin/raphael-thorius/hymnus-tabaci/40","markdown":"https://interlinea.aeterna-institute.org/library/latin/raphael-thorius/hymnus-tabaci/40.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":164,"text":"Tam facilis Divae Superis mirantibus iras\nSubversos pedibus summo deturbat Olympo.\nSic lasciva Cypris insanijt: at love nata\nBellatrix, nemorum Virgo, Pindique sorores\nSparsas relliquias gremio legere, patremque\nThyrsigerum obnixè nova supplementa rogarunt\nSubsidium & voto gratis retulere pudico.\nIngens opprobrium verò, si Cypridis aestum\nTemperat, imperium menti, membrisque vigorem,\nVirtutumque decus rarâ virtute tuetur:\nNon extinguit enim nymphaeae aut cannabis instar\nNaturae instinctum; sobolis nec munera tollit.\nFors numerum minuit; sed fraeno arctata Cupido\nQuod demit numero, generis bonitate reponit.\nGrande bonum, si vel tenuis fortuna parentum\nNon premitur multâ prole, aut respublica gaudet\nFortibus & justis potius quam plebe frequenti.\nVtilis hinc adeo senibus, primaeque juventae,\nFrugalesque cado in summo sibi praestat, & imo,\nDum celeres flammas, cineresque subinde tepentes\nAut sedat subitò, aut ut fusâ diluit undâ,\nStultitia facili canos, pubemque furore,\nIndeque prognatâ solvens vertigine Mundum.\nNe despecta tamen vestris prorsum exulet hortis\nO dominae in duris & habet sua commoda rebus.\nErrantes uteros sursum trans septa ruentes,\nEt tensum veluti ferientes ariete ventrem,","prev":{"citation":"Hymnus tabaci 39","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/39","api":"https://interlinea.aeterna-institute.org/api/v1/library/latin/raphael-thorius/hymnus-tabaci/39"},"next":{"citation":"Hymnus tabaci 41","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/41","api":"https://interlinea.aeterna-institute.org/api/v1/library/latin/raphael-thorius/hymnus-tabaci/41"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}