{"kind":"section","lang":"la","language":"Latin","title":"Hymnus tabaci 42","citation":"Raphael Thorius, Hymnus tabaci 42","ref":"42","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/42","api":"https://interlinea.aeterna-institute.org/api/v1/library/latin/raphael-thorius/hymnus-tabaci/42","markdown":"https://interlinea.aeterna-institute.org/library/latin/raphael-thorius/hymnus-tabaci/42.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":160,"text":"Agmina, & ore nigro jaculantes Daemonas ignem.\nQuin etiam in subita sibi tempestate videtur\nAequore sorberi, & motis luctator in undis\nBrachia anhelus agit, celsa modo rupe volutus\nIn mare collabi, sonitumque excire cadendo:\nLatronum gladijs adigi. modo compede fracta\nAdspicit exertis insurgere dentibus ursum,\nAuxilium inclamat nonnunquam vocibus altis,\nInterdum gemitu. donec formidine somnum\nExcutiat, puncto necis experrectus in ipso,\nExanimis, gelido perfusus membra madore.\nLongè aliter pictis nocturna aulaea figuris\nLaetificat nostro eductus suffimine Morpheus\nSensibus internis Naturae congrua fingit\nPrivato & genio, quae quisque in mente revolvit\nLuce vigil, vel amat, gratissima nocte recurrunt.\nAulicus, orator, medicus, mercator, agyrta,\nNavita, piscator, miles, auriga, poeta,\nAgricola, & pictor, cerdo, patronus, amator,\nSopiti peragunt consueta negotia, non ut\nSponte rudes cernunt dubitanti lumine formas,\nVel nuper natam per euntia nubila lunam,\nEsse putant quodcunque vident. non segniter aurem\nIncendunt dictis, atque enthymemata cudunt\nAedificant versus, clarè quos manè fatentur\nAtque alia expediunt alij, ne somnia credant\nEsse, nec affinem morti, nisi nomine, somnum.","prev":{"citation":"Hymnus tabaci 41","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/41","api":"https://interlinea.aeterna-institute.org/api/v1/library/latin/raphael-thorius/hymnus-tabaci/41"},"next":{"citation":"Hymnus tabaci 43","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/43","api":"https://interlinea.aeterna-institute.org/api/v1/library/latin/raphael-thorius/hymnus-tabaci/43"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}