{"kind":"section","lang":"la","language":"Latin","title":"Hymnus tabaci 45","citation":"Raphael Thorius, Hymnus tabaci 45","ref":"45","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/45","api":"https://interlinea.aeterna-institute.org/api/v1/library/latin/raphael-thorius/hymnus-tabaci/45","markdown":"https://interlinea.aeterna-institute.org/library/latin/raphael-thorius/hymnus-tabaci/45.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":163,"text":"Fercula succensens mittit, quae didita chordis\nSeditionem alvo ventosaque murmura miscent,\nSudum animo & placitis populata laboribus horat.\nPernitiosum etiam nudato admittere frigus\nVertice, vel vacuo Paetum potare camino:\nVerberat aura cutim, reclusa foramina stringens\nTrans galeam teneras convellit acumine fibras,\nEt capiti pondus, horrorem crinibus addit:\nNeu libeat, solum calamo indulgere, nec ultra\nLuxuriando modum cerebri complere cavernas;\nAlternis sumatur; amant alterna Camoenae,\nConfertum natura fugit. tibi terminus esto\nVertigo occipiens, quae, ni simul orta recedit,\nAdbibe lene zythum, vel aperto sub Jove frigus,\nOmnis & exigua sedabitur arte tumultus.\nAt postquam capitis modulum cognoveris, intra\nFines curre tuos, nec te quaesiveris ultra.\nNaturae quisquis servaverit ordine leges,\nIlle mihi sanus, sapiens erit, atque beatus.\nTalia ludebat Vetulus: narrantis ab ore\nHeroum resupina cohors suspensa silebat,\nDocta quidem vires, sed inops tam nobilis herbae\nProgeniem optabat, renovandi & seminis artem.\nBlaesus at ille siti, somnoque propinquior, uno,\nSed longo ut maduit, subito quoque stertuit, haustu. Nos veniam fati, fessilicet, & sitibundi, Absolvemus opus, & quae Silenus omisit","prev":{"citation":"Hymnus tabaci 44","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/44","api":"https://interlinea.aeterna-institute.org/api/v1/library/latin/raphael-thorius/hymnus-tabaci/44"},"next":{"citation":"Hymnus tabaci 46","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/46","api":"https://interlinea.aeterna-institute.org/api/v1/library/latin/raphael-thorius/hymnus-tabaci/46"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}