{"kind":"section","lang":"la","language":"Latin","title":"Hymnus tabaci 48","citation":"Raphael Thorius, Hymnus tabaci 48","ref":"48","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/48","api":"https://interlinea.aeterna-institute.org/api/v1/library/latin/raphael-thorius/hymnus-tabaci/48","markdown":"https://interlinea.aeterna-institute.org/library/latin/raphael-thorius/hymnus-tabaci/48.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":228,"text":"Sub tecto, longa suspensa è cannabe paulum\nArescant folia, & parvo post tempore strata\nCongere acervatim, calor ut collectus ab imo\nTurgeat, & caecas distendat ad extima vires.\nSic cumulata tepent primo, tepefacta tumescunt,\nMox oritur sudor, sequitur nubecula fumi,\nEt, nisi destruitur moles, transibit in ignem,\nVt portata domum nondum satis arida plaustris\nGramina constipata flagrant, tectisque minantur.\nTu disperge struem, suspende, iterumque repone\nIn cumulos, seriemque tui pervade laboris,\nDum fervendo animae veniat vis omnis in actum,\nSiccando & maneat, neque diffundatur in auras.\nHic oculis opus, hîc ductu rationis & usu:\nNam brevis est nimij, brevis est quoque linea pauci,\nEt gaudet natura modo, sed si tamen usquam\nPeccatum, ut possis culpam sarcire, docebos\nNon ardente mero, aut muriâ, non melle, minusque\nAuxilio matulae, mangonia qualia tentant\nCaupones, pretij quibus est odor ante salutem,\nSubsidium ex ipso posces, proelo exprime succum\nVilibus è folijs, quae dextrae incuria passim\nPraeterijt, tepidaque sinas spumescere in ollâ,\nDecrepitum immergas labro, reddesque juventae.\nHaec sat erunt: iam quaere ratem: merx ampla coloni Augebit census, & vectigalia regum, Mercantum & loculos; naulum fortasse medenti AuseAuferet, autumnos populo factura salubres. Forte etiam è furca donabit prandia corvis essator si pauper emit, meliusque locandas\nDifflat egestatis vicinae improvidus horas:\nSed bene dum modo sit frugalibus atque modestis,\nTurba perire volens, pereat, quicunque salutem\nAbnuit, is careat, nec rerum subruat usus.\n(ui mala lis, ratis in pelago, praepostera conjux","prev":{"citation":"Hymnus tabaci 47","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/47","api":"https://interlinea.aeterna-institute.org/api/v1/library/latin/raphael-thorius/hymnus-tabaci/47"},"next":{"citation":"Hymnus tabaci 49","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/49","api":"https://interlinea.aeterna-institute.org/api/v1/library/latin/raphael-thorius/hymnus-tabaci/49"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}