{"kind":"section","lang":"la","language":"Latin","title":"Hymnus tabaci 50","citation":"Raphael Thorius, Hymnus tabaci 50","ref":"50","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/50","api":"https://interlinea.aeterna-institute.org/api/v1/library/latin/raphael-thorius/hymnus-tabaci/50","markdown":"https://interlinea.aeterna-institute.org/library/latin/raphael-thorius/hymnus-tabaci/50.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":207,"text":"Doctissimi RAP\nTHOR\nAmici intimi.\nUod jam summa procul villarum culmina fumant,\nQuod fumos bibit omnis ager, bibit omnis ab Aul\nAd caulam fumosa domus, quod pascere fumos\nFumosos equitum cum Dictatore magistros,\nQuod pueros fumare juvat, fumare puellas,\nMollius indignor. quin tecum ignosco puellis\nEt pueris, aulis, caulis, equitumque Magistris,\nPrime pater Paeti, fumantum gloria, THORI,\nNon fumum ex fulgore, sed ex fumo dare lucem\nSedule; Te praetore magis lippire decenter\nQuam lachrimâ ridente putant; jucunda cuique\nTe Medico tussis cui nec pituita molesta est\nCreditur instantes membris emungere morbos.\nAt mihi quod sacra latet in vertigine multo\nPraecipuum est; Hos te calices fecisse disertum:\nHaec aliquid certe fumo facundia debet.\nFaecundi calices, felix vertigo, saliva\nNobilis, insignes lachrimae, gratissima tussis.\nMe quoque, si parcè videor laudare merentes\nInsolitas calicumque super praeconia laudes,\nMe quoque vicinis afflatum credite fumis,\nEt sicco titubare mero: brevis iste futurus\nEst furor: exierit sensim vesania primi\nTurbinis, aggrediar stabilis de nare tepenti\nFundere cum fumis quae vos per saecula vectent\nVerba, vetentque mori, nolint Iovis ira vel ignes.\nPro fumis sed & hic furor est; ignoscite vobis, Fumosoque mihi: cessem fumare, tacebo us, & sapiam, labris encomia, linguâ, Sol Dentibus occludam. quid enim, si THORIVS unum Arguit ipse sui reliquum fecisse stuporem?","prev":{"citation":"Hymnus tabaci 49","label":"LIBER SECVNDVS","url":"https://interlinea.aeterna-institute.org/library/latin/raphael-thorius/hymnus-tabaci/49","api":"https://interlinea.aeterna-institute.org/api/v1/library/latin/raphael-thorius/hymnus-tabaci/49"},"next":{"citation":"Hymnus tabaci 51","label":"IN EANDEM","url":"https://interlinea.aeterna-institute.org/library/latin/raphael-thorius/hymnus-tabaci/51","api":"https://interlinea.aeterna-institute.org/api/v1/library/latin/raphael-thorius/hymnus-tabaci/51"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}