{"kind":"section","lang":"la","language":"Latin","title":"Hymnus tabaci 56-2","citation":"Raphael Thorius, Hymnus tabaci 56-2","ref":"56-2","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/56-2","api":"https://interlinea.aeterna-institute.org/api/v1/library/latin/raphael-thorius/hymnus-tabaci/56-2","markdown":"https://interlinea.aeterna-institute.org/library/latin/raphael-thorius/hymnus-tabaci/56-2.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":107,"text":"UMVS habet finem, nec enim omnis nubibus istis\nDiscedit conviva satur. diversa palatis\nDiversis sapiunt. hic apponuntur amicis\nBrumales epulae, doctis sermonibus horae\nFalluntur. solvit, sua per convivia, frigus\nThorius, & ventrem pariter cum lumine pascit.\nNon opus est dapibus, parvisve paratibus, oret,\nMore suo, veniam. dat condimenta palato\nGrata omni, novit quibus est jus aptius herbis.\nO utinam, Thori, vestris mihi posse daretur\nColloquiisque frui, lautisque accumbere mensis:\nNil ego contulerim tam docto sanus amico.\nFallor: an & mensis adsum conviva secundis.\nHoc erat in votis, coenantes inter amicos\nDulce mihi furere est. nec enim magis ulla palato\nGrata datur, quam quae condita leporibus, esca.\nLVD. à KINSCHOT.","prev":{"citation":"Hymnus tabaci 56","label":"IN EIVSDEM","url":"https://interlinea.aeterna-institute.org/library/latin/raphael-thorius/hymnus-tabaci/56","api":"https://interlinea.aeterna-institute.org/api/v1/library/latin/raphael-thorius/hymnus-tabaci/56"},"next":{"citation":"Hymnus tabaci 57","label":"IN EIVSDEM","url":"https://interlinea.aeterna-institute.org/library/latin/raphael-thorius/hymnus-tabaci/57","api":"https://interlinea.aeterna-institute.org/api/v1/library/latin/raphael-thorius/hymnus-tabaci/57"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}