{"kind":"section","lang":"la","language":"Latin","title":"Hymnus tabaci 59","citation":"Raphael Thorius, Hymnus tabaci 59","ref":"59","level":null,"urn":null,"url":"https://interlinea.aeterna-institute.org/library/latin/raphael-thorius/hymnus-tabaci/59","api":"https://interlinea.aeterna-institute.org/api/v1/library/latin/raphael-thorius/hymnus-tabaci/59","markdown":"https://interlinea.aeterna-institute.org/library/latin/raphael-thorius/hymnus-tabaci/59.md","author":{"name":"Raphael Thorius","url":"https://interlinea.aeterna-institute.org/library/latin/raphael-thorius"},"work":{"title":"Hymnus tabaci","url":"https://interlinea.aeterna-institute.org/library/latin/raphael-thorius/hymnus-tabaci","urn":null},"verse":true,"words":196,"text":"Accusate; gelu effecit, non sordidus hospes.\nHic genius Galli, nec frigora ferre, nec aestum\nMobilitate potest: da succum vitis Iberae;\nSolstitium, & brumam, longos & despicit annos.\nImperiosus at est; ridentem admissus amicum\nSuppeditat, summa petulans dominatur in arce,\nEt miscet tragicos hirci de lacte tumultus.\nHuc ades ô pincerna: viden illum rubicundis\nNaribus, in laevam pendet cui pileus aurem,\nIrato & similis clamosius intonat? illi\nParcius affundas, & raro, & aquare memento.\nO Socij, spinas verborum Academia tractet:\nNos animo curas evellimus: otia nobis\nCoelitus ista fluunt: en delitiosa refundit\nDona parens Tellus; corrumpimus omnia fastu.\nParcite Chrysippo; Teiae locus aptior umbrae.\nNil fuit ingenio cerebroso in victius unquam.\nFerte dapes famuli, facit aspera praelia mensa\nLonga hyberna fames, canibus rabiosa, lupisque:\nOs solido offendens steriles dimittet elenchos.\nMittamus salebras, trivias & plana sequamur.\nAspicite, ô juvenes, ut tempora prima verentur\nPostremas hyemes, ut in unum congerit annus\nDivitias omnes, ventri quas donet avare,\nSic serere in canos mandat Natura juventae\nRem, famulos, sobolem, doctrinam, nomen, amicos;\nVt stans multiplici tibicine curva senectus\nMollius in dorsum letho sternente recumbat.\nRugis apta quies: hyemi domus optima: nulla\nMachina me currum vel equum sustollat in altum,\nfumento ut rigido accrescam, ceu milite saxeo","prev":{"citation":"Hymnus tabaci 58","label":"IN EIVSDEM","url":"https://interlinea.aeterna-institute.org/library/latin/raphael-thorius/hymnus-tabaci/58","api":"https://interlinea.aeterna-institute.org/api/v1/library/latin/raphael-thorius/hymnus-tabaci/58"},"next":{"citation":"Hymnus tabaci 60","label":"IN EIVSDEM","url":"https://interlinea.aeterna-institute.org/library/latin/raphael-thorius/hymnus-tabaci/60","api":"https://interlinea.aeterna-institute.org/api/v1/library/latin/raphael-thorius/hymnus-tabaci/60"},"credit":{"text":"Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Hymnus_tabaci","quality":"ocr"}}