{"kind":"section","lang":"la","language":"Latin","title":"Argumenta Thebaidos 2","citation":"Statius, Argumenta Thebaidos 2","ref":"2","level":null,"urn":null,"url":"https://interlinea.aeterna-institute.org/library/latin/statius/argumenta-thebaidos/2","api":"https://interlinea.aeterna-institute.org/api/v1/library/latin/statius/argumenta-thebaidos/2","markdown":"https://interlinea.aeterna-institute.org/library/latin/statius/argumenta-thebaidos/2.md","author":{"name":"Statius","url":"https://interlinea.aeterna-institute.org/library/latin/statius"},"work":{"title":"Argumenta Thebaidos","url":"https://interlinea.aeterna-institute.org/library/latin/statius/argumenta-thebaidos","urn":null},"verse":true,"words":74,"text":"At Maia genitus superas remeabat ad auras,\nExcitusque Erebo iam saeuus Laius ibat,\nTiresiae uultum in somnis mentitus et ora.\nArmari in fratrem dirum Eteoclea(==E+TEOCLEA) perurguet\nPerfossumque senis iugulum faciemque recludit.\nMoxque suas thalamis natas sociauit Adrastus\nDeipylen Tydei, Argian Polynicis amati.\nSed cupidus regni fortem Cadmeius heros\nTydea legatum mittit, qui foedera fratrem\nPosceret imperii. Ille suae non immemor irae\nQuinquaginta uiros legatum obsidere iussit.\nQuos strauit telis uictor patriamque reuisit.","prev":null,"next":{"citation":"Argumenta Thebaidos 3","label":"Poem 3","url":"https://interlinea.aeterna-institute.org/library/latin/statius/argumenta-thebaidos/3","api":"https://interlinea.aeterna-institute.org/api/v1/library/latin/statius/argumenta-thebaidos/3"},"credit":{"text":"Statius, Argumenta Thebaidos. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/STAT%7Cargu%7C002","quality":"proofread"}}