{"kind":"section","lang":"la","language":"Latin","title":"Argumenta Thebaidos 4","citation":"Statius, Argumenta Thebaidos 4","ref":"4","level":null,"urn":null,"url":"https://interlinea.aeterna-institute.org/library/latin/statius/argumenta-thebaidos/4","api":"https://interlinea.aeterna-institute.org/api/v1/library/latin/statius/argumenta-thebaidos/4","markdown":"https://interlinea.aeterna-institute.org/library/latin/statius/argumenta-thebaidos/4.md","author":{"name":"Statius","url":"https://interlinea.aeterna-institute.org/library/latin/statius"},"work":{"title":"Argumenta Thebaidos","url":"https://interlinea.aeterna-institute.org/library/latin/statius/argumenta-thebaidos","urn":null},"verse":true,"words":81,"text":"Mox septem Bellona uiros in proelia cogit.\nPrimus init bellum maestus longaeuus Adrastus,\nItque gener fulgens patriis Dircaeus in armis.\nInde ferox animi Tydeus iam saeuit in hostes.\nHerculeam Hippomedon pubem mouet inclitus armis\nEt Capaneus(==CAPANE.US) atrox Thebas excindere quaerit.\nAmphiaraum prodit coniunx iam perfida uatem.\nParthenopaeus init trepida genetrice maniplos.\nAt contra Eteocles(==ETE-O-CLES) Thebanos instruit omnes.\nNec non Tiresias infernas consulit umbras,\nArgiuisque sitim Bacchus molitur et aestus.\nHypsipyle monstrat lymphas Langiae(==LANGIA:E) perennes.","prev":{"citation":"Argumenta Thebaidos 3","label":"Poem 3","url":"https://interlinea.aeterna-institute.org/library/latin/statius/argumenta-thebaidos/3","api":"https://interlinea.aeterna-institute.org/api/v1/library/latin/statius/argumenta-thebaidos/3"},"next":{"citation":"Argumenta Thebaidos 5","label":"Poem 5","url":"https://interlinea.aeterna-institute.org/library/latin/statius/argumenta-thebaidos/5","api":"https://interlinea.aeterna-institute.org/api/v1/library/latin/statius/argumenta-thebaidos/5"},"credit":{"text":"Statius, Argumenta Thebaidos. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/STAT%7Cargu%7C002","quality":"proofread"}}