{"kind":"section","lang":"la","language":"Latin","title":"Nero 57","citation":"Suetonius, Nero 57","ref":"57","level":null,"urn":"urn:cts:latinLit:phi1348.abo016.perseus-lat2:57","url":"https://interlinea.aeterna-institute.org/library/latin/suetonius/nero/57","api":"https://interlinea.aeterna-institute.org/api/v1/library/latin/suetonius/nero/57","markdown":"https://interlinea.aeterna-institute.org/library/latin/suetonius/nero/57.md","author":{"name":"Suetonius","url":"https://interlinea.aeterna-institute.org/library/latin/suetonius"},"work":{"title":"Nero","url":"https://interlinea.aeterna-institute.org/library/latin/suetonius/nero","urn":"urn:cts:latinLit:phi1348.abo016"},"verse":false,"words":102,"text":"Obiit tricensimo et secundo aetatis anno, die quo quondam Octauiam interemerat, tantumque gaudium publice praebuit, ut plebs pilleata tota urbe discurreret. et tamen non defuerunt qui per longum tempus uernis aestiuisque floribus tumulum eius ornarent ac modo imagines praetextatas in rostris proferrent, modo edicta quasi uiuentis et breui magno inimicorum malo reuersuri. quin etiam Vologaesus Parthorum rex missis ad senatum legatis de instauranda societate hoc etiam magno opere orauit, ut Neronis memoria coleretur. denique cum post uiginti annos adulescente me extitisset condicionis incertae qui se Neronem esse iactaret, tam fauorabile nomen eius apud Parthos fuit, ut uehementer adiutus et uix redditus sit.","prev":{"citation":"Nero 56.1","label":"Chapter 56","url":"https://interlinea.aeterna-institute.org/library/latin/suetonius/nero/56.1","api":"https://interlinea.aeterna-institute.org/api/v1/library/latin/suetonius/nero/56.1"},"next":null,"credit":{"text":"Suetonius, Nero, ed. Maximilian Ihm. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi1348/abo016/phi1348.abo016.perseus-lat2.xml","quality":"proofread"}}