{"kind":"section","lang":"la","language":"Latin","title":"Relationes 11","citation":"Symmachus, Relationes 11","ref":"11","level":null,"urn":null,"url":"https://interlinea.aeterna-institute.org/library/latin/symmachus/relationes/11","api":"https://interlinea.aeterna-institute.org/api/v1/library/latin/symmachus/relationes/11","markdown":"https://interlinea.aeterna-institute.org/library/latin/symmachus/relationes/11.md","author":{"name":"Symmachus","url":"https://interlinea.aeterna-institute.org/library/latin/symmachus"},"work":{"title":"Relationes","url":"https://interlinea.aeterna-institute.org/library/latin/symmachus/relationes","urn":null},"verse":false,"words":74,"text":"Licet arbitrer litteras meas nuntiis aut rumore praeventas – quid enim fama potest esse velocius, domini imperatores? – ego tamen officii publici necessitate cogente excessum viri inlustris crudo adhuc dolore non sileo. Vettium Praetextatum veteribus parem virtutum omnium virum fata rapuerunt summo patriae gemitu, cui decus insigne praestabat. cuius ego laudes et iusta praeconia animi consternatione praetereo; neque enim locus est cuiusquam testimonio, cum vitae eius gloriam clementiae vestrae iudicia testentur, mortem celebrem dolor omnium fecerit.","prev":{"citation":"Relationes 10","label":"X (XXIII. XXX) a. 384. DD. nn. Theodosio et Arcadio Semper Augg. Symmachus V. C. Praefectus Urbis.","url":"https://interlinea.aeterna-institute.org/library/latin/symmachus/relationes/10","api":"https://interlinea.aeterna-institute.org/api/v1/library/latin/symmachus/relationes/10"},"next":{"citation":"Relationes 12","label":"XII (XXV. XXXII) a. 384. DD. nn. Theodosio et Arcadio Semper Augg. Symmachus V. C. Praefectus Urbis.","url":"https://interlinea.aeterna-institute.org/library/latin/symmachus/relationes/12","api":"https://interlinea.aeterna-institute.org/api/v1/library/latin/symmachus/relationes/12"},"credit":{"text":"Symmachus, Relationes. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000794.zip","quality":"proofread"}}