{"kind":"section","lang":"la","language":"Latin","title":"Relationes 18","citation":"Symmachus, Relationes 18","ref":"18","level":null,"urn":null,"url":"https://interlinea.aeterna-institute.org/library/latin/symmachus/relationes/18","api":"https://interlinea.aeterna-institute.org/api/v1/library/latin/symmachus/relationes/18","markdown":"https://interlinea.aeterna-institute.org/library/latin/symmachus/relationes/18.md","author":{"name":"Symmachus","url":"https://interlinea.aeterna-institute.org/library/latin/symmachus"},"work":{"title":"Relationes","url":"https://interlinea.aeterna-institute.org/library/latin/symmachus/relationes","urn":null},"verse":false,"words":124,"text":"Felicitas quidem vestra aeternae urbi sollemnis alimoniae copiam pollicetur, ddd. imppp., sed re magis quam spe tuti esse debemus. quod facile factu est, si hanc quoque partem clementiae vestrae cura respexerit. nam aestate provecta cum ex Africanis portibus minimum devehatur, non inani tangimur metu, ne res annonaria in graves cogatur angustias, et ideo oro quaesoque perennitatis vestrae salubre praesidium , ut iudices Africanos et notarium, cui aeternitas vestra mandavit frumentarios commeatus, severiora scripta destimulent, missis in hoc negotium strenuis, qui onera consueta, dum tractabilis navigatio est, victui urbis exhibeant. hoc saeculo vestro, hoc divinis virtutibus dignum est, ut securitatem Romani populi inter praecipua et prima curetis. aderunt optatis cursibus plena navigia et Romanos portus frequens atque onusta classis intrabit, si adspiraverint numinis vestri secunda suffragia.","prev":{"citation":"Relationes 17","label":"XVII (XXX. XXXVII) a. 384–385. DDD. nnn.","url":"https://interlinea.aeterna-institute.org/library/latin/symmachus/relationes/17","api":"https://interlinea.aeterna-institute.org/api/v1/library/latin/symmachus/relationes/17"},"next":{"citation":"Relationes 19.1-2","label":"19.1 to 19.2","url":"https://interlinea.aeterna-institute.org/library/latin/symmachus/relationes/19.1","api":"https://interlinea.aeterna-institute.org/api/v1/library/latin/symmachus/relationes/19.1"},"credit":{"text":"Symmachus, Relationes. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000794.zip","quality":"proofread"}}