{"kind":"section","lang":"la","language":"Latin","title":"Relationes 35","citation":"Symmachus, Relationes 35","ref":"35","level":null,"urn":null,"url":"https://interlinea.aeterna-institute.org/library/latin/symmachus/relationes/35","api":"https://interlinea.aeterna-institute.org/api/v1/library/latin/symmachus/relationes/35","markdown":"https://interlinea.aeterna-institute.org/library/latin/symmachus/relationes/35.md","author":{"name":"Symmachus","url":"https://interlinea.aeterna-institute.org/library/latin/symmachus"},"work":{"title":"Relationes","url":"https://interlinea.aeterna-institute.org/library/latin/symmachus/relationes","urn":null},"verse":false,"words":133,"text":"Felicitas quidem vestra indefessas populo Romano copias pollicetur, ddd. imppp., sed cautio iudicum suggerenda non deserit, ut diligentia muniat, quod melior fortuna promittit. frumenti cotidianus usus in facili est; olei tantum species victum plebis tenuiter invecta sollicitat. cuius rei v. c. praefectus annonae, partium suarum diligens executor, praetorianae amplissimae praefecturae, ut ipse adserit, dudum fecit indicium missis de more brevibus, qui angustias patefacerent conditorum. sed ingravescente defectu sileri apud clementiam vestram patriae cura non debuit, cuius spes atque opes bonorum principum favore cumulantur. quare omnes suppliciter oramus, si expectatis preces, qui vota omnium beneficiis praevenitis, ut quam primum iudices Africanos super hac specie Romanis horreis inferenda divinus sermo destimulet. nam properato opus est, priusquam reliquum profliget diurna praebitio. addite igitur hoc munus ceteris, quae praestare consuestis, ut cuncta saeculi bona pari adfluant largitate.","prev":{"citation":"Relationes 34.1","label":"XXXIIII (XXXXVII. LIIII) a. 384–385.","url":"https://interlinea.aeterna-institute.org/library/latin/symmachus/relationes/34.1","api":"https://interlinea.aeterna-institute.org/api/v1/library/latin/symmachus/relationes/34.1"},"next":{"citation":"Relationes 36","label":"XXXVI (XXXXVIIII. LVI) a. 384–385.","url":"https://interlinea.aeterna-institute.org/library/latin/symmachus/relationes/36","api":"https://interlinea.aeterna-institute.org/api/v1/library/latin/symmachus/relationes/36"},"credit":{"text":"Symmachus, Relationes. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000794.zip","quality":"proofread"}}