{"kind":"section","lang":"la","language":"Latin","title":"Relationes 43","citation":"Symmachus, Relationes 43","ref":"43","level":null,"urn":null,"url":"https://interlinea.aeterna-institute.org/library/latin/symmachus/relationes/43","api":"https://interlinea.aeterna-institute.org/api/v1/library/latin/symmachus/relationes/43","markdown":"https://interlinea.aeterna-institute.org/library/latin/symmachus/relationes/43.md","author":{"name":"Symmachus","url":"https://interlinea.aeterna-institute.org/library/latin/symmachus"},"work":{"title":"Relationes","url":"https://interlinea.aeterna-institute.org/library/latin/symmachus/relationes","urn":null},"verse":false,"words":81,"text":"Curae mihi est, ut qui animis et maiestate congruitis, mutua honorificentia gaudeatis . dignum est igitur, domine imperator Valentiniane inclyte victor ac triumphator semper Auguste, ut decretum senatus ad invictissimos fratres numinis tui, si ita placet, clementia tua insinuante perveniat. quorum auctor et parens, ut dudum v. c. et inlustri officiorum magistro scripsisse memini, statuarum equestrium honore decoratus est, quas ei ordo venerabilis Africani et Brittannici belli recordatione decrevit ea scilicet causa, ut iustis superiorum ducum titulis praesentium circa vos devotio provocetur.","prev":{"citation":"Relationes 42","label":"XXXXII (LVI. LXIII) a. 384–385.","url":"https://interlinea.aeterna-institute.org/library/latin/symmachus/relationes/42","api":"https://interlinea.aeterna-institute.org/api/v1/library/latin/symmachus/relationes/42"},"next":{"citation":"Relationes 44","label":"XXXXIIII (LVIII. LXV) a. 384–385.","url":"https://interlinea.aeterna-institute.org/library/latin/symmachus/relationes/44","api":"https://interlinea.aeterna-institute.org/api/v1/library/latin/symmachus/relationes/44"},"credit":{"text":"Symmachus, Relationes. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000794.zip","quality":"proofread"}}