{"kind":"section","lang":"la","language":"Latin","title":"Relationes 46","citation":"Symmachus, Relationes 46","ref":"46","level":null,"urn":null,"url":"https://interlinea.aeterna-institute.org/library/latin/symmachus/relationes/46","api":"https://interlinea.aeterna-institute.org/api/v1/library/latin/symmachus/relationes/46","markdown":"https://interlinea.aeterna-institute.org/library/latin/symmachus/relationes/46.md","author":{"name":"Symmachus","url":"https://interlinea.aeterna-institute.org/library/latin/symmachus"},"work":{"title":"Relationes","url":"https://interlinea.aeterna-institute.org/library/latin/symmachus/relationes","urn":null},"verse":false,"words":96,"text":"Etiamsi prisca institutio mittendis ad clementiam vestram censuum brevibus cursum vel ordinem non dedisset, ddd. imppp. Valentiniane Theodosi et Arcadi inclyti victores ac triumphatores semper Augusti, diligentia tamen boni saeculi fidem publicae instructionis exigeret. siquidem convenit principes et parentes humani generis edoceri , quid reverendo ordini vel senatorum novorum accessus adiciat vel glebae excusationibus detrahatur. harum rerum aeternitati vestrae fidum exhibebit indicium trimestris instructio, quam sollemniter sumptam de officio censuali paginis relationis adnexui, ut maiestas vestra cognoscat, qui in amplissimam curiam collegarum numerus influxerit, et quid censibus senatoriis aut novi professio incrementi dederit aut exemptio veteris amputarit.","prev":{"citation":"Relationes 45","label":"XXXXV (LVIIII. LXVI) a. 384–385.","url":"https://interlinea.aeterna-institute.org/library/latin/symmachus/relationes/45","api":"https://interlinea.aeterna-institute.org/api/v1/library/latin/symmachus/relationes/45"},"next":{"citation":"Relationes 47","label":"XXXXVII (LXI. LXVIII) a. 384–385.","url":"https://interlinea.aeterna-institute.org/library/latin/symmachus/relationes/47","api":"https://interlinea.aeterna-institute.org/api/v1/library/latin/symmachus/relationes/47"},"credit":{"text":"Symmachus, Relationes. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://data.mgh.de/openmgh/bsb00000794.zip","quality":"proofread"}}