{"kind":"section","lang":"la","language":"Latin","title":"Sententiae, appendix 177-219","citation":"Syrus, Sententiae, appendix 177-219","ref":"177","level":null,"urn":null,"url":"https://interlinea.aeterna-institute.org/library/latin/syrus/sententiae-appendix/177","api":"https://interlinea.aeterna-institute.org/api/v1/library/latin/syrus/sententiae-appendix/177","markdown":"https://interlinea.aeterna-institute.org/library/latin/syrus/sententiae-appendix/177.md","author":{"name":"Syrus","url":"https://interlinea.aeterna-institute.org/library/latin/syrus"},"work":{"title":"Sententiae, appendix","url":"https://interlinea.aeterna-institute.org/library/latin/syrus/sententiae-appendix","urn":null},"verse":true,"words":279,"text":"Male qui dicunt aliis, faciunt ipsi sibi conuicium.\nMale uiuet, bene quicumque nesciet mori.\nMalim accepisse, quam intulisse iniuriam.\nMalo bonoque uirtus sublato perit.\nMalo humilis uinci, quam superbus uincere.\nMalo quaerendus cuneus est nodo malus.\n+ Malum alienum caue gaudium facias tuum.\nMalum consilium consultori pessimum est.\nMalus aeque est, qui miscetur aequo animo malis.\n+ Malus auctor etiam rem bonam turpem facit.\nManet cicatrix etiam cum uulnus coit.\nMe quam adulando placere ueris malim offendere.\nMeliorem mala quem carpit lingua iudicat.\nMens incorrupta miseria corrumpitur.\nMinimum malum fit contemnendo maximum.\nMiser esse non pote uir bonus, dici pote.\nMiserarum rerum portus est patientia.\nMiseriae atque misericordiae est quaedam uicinitas.\nMiserum qui nunquam fuerit esse iudico.\nModeratur sua difficilius irae, quam aliena ultio.\nMonstrum senilis auiditas pecuniae est.\nMorbus est ad oscitantes ipsum etiam os diducere.\nMores iudicans unius cogites de publicis.\nMori optabilius, quam torqueri est saucio.\nMortalis nemo est, quem non attingat dolor.\nMuliebre est furere in ira et bacchari uirum.\nMulta cui hominis, illi amici cuncta sunt communia.\nNe una quidem lucrum hora auarus neglegit.\nNecesse est multos timeat, quem multi timent.\nNecesse est rumpat, qui funem intendit nimis.\n+ Necessitatum parcitas est remedium.\nNegata est magnis sceleribus semper fides.\nNemo imperat, nisi qui seruire potuerit.\nNemo prudens, quia peccatum est, ne peccetur, uindicat.\nNemo unquam sapiens proditori credidit.\nNequitia est sibi ipsa poena, felix innocentia est.\nNequitia exseritur opere, non opere incipit.\nNeutrum capit, qui lepores uenatur duo.\nNil refert animo quo facias, quod fecisse est improbum:\nNulli unquam hominis cernitur animus, cernuntur facta omnibus.\nNil operis de aratro ad arma fugiunt translatae manus.\nNil esse honestum pote, quod non est liberum.\nNil plus luxuria nutrit iracundiam.","prev":{"citation":"Sententiae, appendix 132-176","label":"Lines 132-176","url":"https://interlinea.aeterna-institute.org/library/latin/syrus/sententiae-appendix/132","api":"https://interlinea.aeterna-institute.org/api/v1/library/latin/syrus/sententiae-appendix/132"},"next":{"citation":"Sententiae, appendix 220-257","label":"Lines 220-257","url":"https://interlinea.aeterna-institute.org/library/latin/syrus/sententiae-appendix/220","api":"https://interlinea.aeterna-institute.org/api/v1/library/latin/syrus/sententiae-appendix/220"},"credit":{"text":"Syrus, Sententiae, appendix. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PVBLIL%7Cappe%7C001","quality":"proofread"}}