{"kind":"section","lang":"la","language":"Latin","title":"Sententiae, appendix 258-298","citation":"Syrus, Sententiae, appendix 258-298","ref":"258","level":null,"urn":null,"url":"https://interlinea.aeterna-institute.org/library/latin/syrus/sententiae-appendix/258","api":"https://interlinea.aeterna-institute.org/api/v1/library/latin/syrus/sententiae-appendix/258","markdown":"https://interlinea.aeterna-institute.org/library/latin/syrus/sententiae-appendix/258.md","author":{"name":"Syrus","url":"https://interlinea.aeterna-institute.org/library/latin/syrus"},"work":{"title":"Sententiae, appendix","url":"https://interlinea.aeterna-institute.org/library/latin/syrus/sententiae-appendix","urn":null},"verse":true,"words":278,"text":"Omnes sunt securi, ubi positum est ius supra omnem iniuriam.\nOmnia consulenda, sed non omnia sunt ab omnibus.\nOmnibus plus in suo pote gallus sterquilinio.\nOmnis tanquam uitae extremus est componendus dies.\nOptimum ciuilis belli praesidium est obliuio.\nParant amicos lautae res, dubiae probant.\n+ Parere scire par imperio est gloria.\nPati necesse est multa mortales mala.\nPati, non facere iniuriam scit uir bonus.\nPeccandi facit ipsa pudorem principis clementia.\nPeccat uoluntas, etsi nullo est crimine.\nPedarii caput elingue est sententia.\nPerdenda sunt multa, ut semel ponas bene.\nPerit uoluptas, denegat uirtus mori.\nPestifera uis est ad nocendum quae ualet.\nPlurimi famam uerentur, pauci conscientiam.\nPlus accipit, qui dat, quam qui datum accipit.\nPlus prodest cum amico occidi quam cum inimico uiuere.\nPossunt mala pusilla euadere: itur contra grandibus.\nPote fictam nemo ferre personam diu.\nPraeceptum, ut uiuunt, uolunt, non ut praeceptum est, uiuere.\nPraeter deos timere nil tutissimum est.\nPrincipis, quodcumque adierit, temperat clementia.\nPriuata studia publicum euertunt bonum.\nProbantium turba argumentum est pessimi.\nPrope est inique ut multet, qui multat nimis.\nPrope est libens ut damnet, qui damnat cito.\nPudet sordidius nasci, uiuere non pudet.\nPupillus est auarus aetatis breuis.\nPuras deus, non adspicit plenas manus.\nQuam domum cumque intrat, praestat felicem clementia.\nQuam magnum est nolle, ubi dignus sis, laudarier.\nQuam miser est, cui necesse est esse iam malo!\nQuam saepe ueniam qui negauit appetit!\nQuam scripseris tibi ipse legem, pareas.\nQuam tempus reuocat, illa praecox est fuga.\n+ Quanti corpus est sine anima, tanti est sine amicis homo.\nQuem saepe transit casus, aliquando inuenit.\nQui cito laudauit, laudatum accusat cito.\nQui facit inuitus, non qui iussus, est miser.\nQui hostis est suorum, inimicus est communis omnium.","prev":{"citation":"Sententiae, appendix 220-257","label":"Lines 220-257","url":"https://interlinea.aeterna-institute.org/library/latin/syrus/sententiae-appendix/220","api":"https://interlinea.aeterna-institute.org/api/v1/library/latin/syrus/sententiae-appendix/220"},"next":{"citation":"Sententiae, appendix 299-338","label":"Lines 299-338","url":"https://interlinea.aeterna-institute.org/library/latin/syrus/sententiae-appendix/299","api":"https://interlinea.aeterna-institute.org/api/v1/library/latin/syrus/sententiae-appendix/299"},"credit":{"text":"Syrus, Sententiae, appendix. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PVBLIL%7Cappe%7C001","quality":"proofread"}}