{"kind":"section","lang":"la","language":"Latin","title":"De magnete 2","citation":"William Gilbert, De magnete 2","ref":"2","level":null,"urn":null,"url":"https://interlinea.aeterna-institute.org/library/latin/william-gilbert/de-magnete/2","api":"https://interlinea.aeterna-institute.org/api/v1/library/latin/william-gilbert/de-magnete/2","markdown":"https://interlinea.aeterna-institute.org/library/latin/william-gilbert/de-magnete/2.md","author":{"name":"William Gilbert","url":"https://interlinea.aeterna-institute.org/library/latin/william-gilbert"},"work":{"title":"De magnete","url":"https://interlinea.aeterna-institute.org/library/latin/william-gilbert/de-magnete","urn":null},"verse":false,"words":174,"text":"LOSOPHIAE STVDIOSVM, PRAEFATIO. VM in arcanis inueniendis, & abditis rerum causis perquirendis, ab experimentis certioribus, & argumentis demonstratis, validiores existant rationes, quàm à probabilibus coniecturis, & vulgò Philosophantium placitis: Vt igitur magni magnetis, Communis matris (telluris) inclyta substantia, adhuc prorsus incognita, viresque huius globi egregiae, & eminentes, meliùs intelligantur: à vulgari magnetica, lapidea, ferreaque materia, magneticisque corporibus, tellurisque partibus propinquioribus, quas manibus tractare, sensibus ipsis percipere licet, exordiri; manifestis experimentis magneticis procedere; & in intima telluris primùm penetrare proposuimus. Nam posteaquàm eorum quae ab excelsis montibus, aut marium profunditatibus, aut imis cauernis, & abditis metallis eruta; plurima nobis visa & perspecta fuissent, vt telluris substantiam veriorem tandem cognosceremus: in magnetis viribus perquirendis (admirandis illis quidem, & supra omnium aliorum apud nos corporum virtutes praepotentibus, collatis reliquorum fossilium omnium viribus) diutinam multamque curam adhibuimus. Neque hunc nostrum laborem inertem, & infrugiferum inuenimus; cùm nobis quotidiè experiendo, nouae & inauditae proprietates elucerent; creuitque adeò ex rebus diligenter spectatis Philosophia, vt terreni globi interiora, & genuinam substantiam, magneticis principijs exponere, terramque (communem matrem) hominibus commonstrare, veris demonstrationibus, & manifestè sensibus apparentibus experimentis, tanquàm digito designare, aggressi simus. * ij. simus.","prev":{"citation":"De magnete 1","label":"1","url":"https://interlinea.aeterna-institute.org/library/latin/william-gilbert/de-magnete/1","api":"https://interlinea.aeterna-institute.org/api/v1/library/latin/william-gilbert/de-magnete/1"},"next":{"citation":"De magnete 3","label":"3","url":"https://interlinea.aeterna-institute.org/library/latin/william-gilbert/de-magnete/3","api":"https://interlinea.aeterna-institute.org/api/v1/library/latin/william-gilbert/de-magnete/3"},"credit":{"text":"William Gilbert, De magnete. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/De_magnete","quality":"ocr"}}