{"kind":"section","lang":"la","language":"Latin","title":"De magnete 3","citation":"William Gilbert, De magnete 3","ref":"3","level":null,"urn":null,"url":"https://interlinea.aeterna-institute.org/library/latin/william-gilbert/de-magnete/3","api":"https://interlinea.aeterna-institute.org/api/v1/library/latin/william-gilbert/de-magnete/3","markdown":"https://interlinea.aeterna-institute.org/library/latin/william-gilbert/de-magnete/3.md","author":{"name":"William Gilbert","url":"https://interlinea.aeterna-institute.org/library/latin/william-gilbert"},"work":{"title":"De magnete","url":"https://interlinea.aeterna-institute.org/library/latin/william-gilbert/de-magnete","urn":null},"verse":false,"words":304,"text":"Et veluti geometria à minimis quibusdam & facilimis fundamentis, ad maxima & difficillima assurgit; quibus mens ingeniosa, supra aethera scandit: ita doctrina nostra & scientia magnetica, ordine conuenienti, quaedam primùm ostendit minùs rara; ab illis magis praeclara emergunt, tandemque serie quâdam, globi telluris arcana maximè, & abdita reserantur, & eorum causae agnoscuntur, quae vel priscorum ignorantiâ, vel recentiorum negligentiâ, incognita & praetermissa fuerunt. Sed quid ego in tam vasto Librorum Oceano, quibus studiosorum ingenia perturbantur, fatiganturque; quibus ineptioribus, vulgus & homines importunissimi inebriantur, delirant, inflantur, & tumultus faciunt literarios, seque philosophos, medicos, mathematicos, astrologos profitentur, & viros doctos negligunt, contemnuntque: Quid ego inquam huic tam perturbatae reipublicae literariae, aliquid vlterius adiungerem, aut iuratis in aliorum sententias, aut absurdissimis bonarum artium corruptoribus, literatis idiotis, grammaticis, sophistis, rabulis, & plebeculae peruersae, philosophiam hanc inclytam, & propter inaudita plurima quasi nouam, & incredibilem, daimnandam & maledictis dilacerandam exponerem? Sed vobis tantùm verè Philosophantibus, viris ingenuis, qui non ex libris solùm, sed ex rebus ipsis scientiam quaeritis, fundamenta ista magnetica commendaui, nouo Philosophandi genere. At si ipsis opinionibus, & paradoxis assentire aliquibus visum non fuerit; videant tamen experimentorum, & inuentorum (quibus praecipuè floret philosophia omnis) magnam frequentiam: quae multis nostris curis, vigilijs, & impensis eruta, & demonstrata sunt. Illis gaudete, & in meliores vsus si poteritis fruimini. Scio, quemadmodùm arduum est vetustis nouitatem dare, obsoletis nitorem, obscuris lucem, fastiditis gratiam, dubijs fidem: ità multò magis nouis, & inauditis, contra omnes omnium opiniones, authoritatem aliquam conciliare, & stabilire, difficilimum. Neque illud curamus: paucis enim philosophandum censuimus. Inuentis & experimentis nostris asteriscos maiores & minores apposuimus, pro dignitatis & subtilitatis ratione. Qui eadem experiri voluerit, non oscitanter & ineptè, sed prudenter, artificiosè & appositè corpora tractet; ne ille (cùm res non successerit) inscius nostras arguat inuentiones: nihil enim in istis libris depromptum, quod non exploratum, sępissimeque actum & transactum apud nos fuerit. Multa in rationibus & hypothesibus primâ facie, duriora forsan videbuntur, cùm sint à communi opinione alicna; non diffido tamen quin posteà ex demonstrationibus ipsis autloritatem","prev":{"citation":"De magnete 2","label":"2","url":"https://interlinea.aeterna-institute.org/library/latin/william-gilbert/de-magnete/2","api":"https://interlinea.aeterna-institute.org/api/v1/library/latin/william-gilbert/de-magnete/2"},"next":{"citation":"De magnete 4","label":"PRAEFATIO","url":"https://interlinea.aeterna-institute.org/library/latin/william-gilbert/de-magnete/4","api":"https://interlinea.aeterna-institute.org/api/v1/library/latin/william-gilbert/de-magnete/4"},"credit":{"text":"William Gilbert, De magnete. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/De_magnete","quality":"ocr"}}