{"kind":"section","lang":"la","language":"Latin","title":"De magnete 4","citation":"William Gilbert, De magnete 4","ref":"4","level":null,"urn":null,"url":"https://interlinea.aeterna-institute.org/library/latin/william-gilbert/de-magnete/4","api":"https://interlinea.aeterna-institute.org/api/v1/library/latin/william-gilbert/de-magnete/4","markdown":"https://interlinea.aeterna-institute.org/library/latin/william-gilbert/de-magnete/4.md","author":{"name":"William Gilbert","url":"https://interlinea.aeterna-institute.org/library/latin/william-gilbert"},"work":{"title":"De magnete","url":"https://interlinea.aeterna-institute.org/library/latin/william-gilbert/de-magnete","urn":null},"verse":false,"words":275,"text":"PRAEFATIO tem tandem nanciscentur. Quare in magnetica disciplina, qui progrediuntur magis, hypothesibus magis confidunt, & proficiunt vberiùs; nec facilè cuiuis aliquid in magnetica philosophia certò constabit, in qua non sint cognita aut omnia, aut saltem pleraque. Physiologia haec ferè tota noua est, & inaudita; nisi quòd pauci admodùm, de vulgaribus quibusdam viribus magneticis paucula quędam tradiderunt. Quarè & veteres & Graecos auxiliarios minime aduocamus, quòd neque graecula argumenta subriliùs, nec graeca verba significantiùs veritatem demonstrare, aut meliùs illustrare possunt. Est enim doctrina magnetica nostra aliena ab eorum principijs plurimis & decretis. Neque huic operi vllum eloquentiae fucum, aut verborum ornatum attulimus, sed hoc tantum fecimus, vt res difficiles & incognitae tractarentur à nobis, eâ dicendi formâ, ijsque verbis necessariò requisitis, vt intelligi dilucidè queant: Nouis igitur & inauditis quibusdam verbis aliquando vtimur, non vt ineptioribus vocabulorum velis, tenebrae aut caligines rebus offunderentur (vt Chemistae solent) sed vt abdita non nominata, nunquam adhuc perspecta, planè & integrè traderentur. Post magnetica experimenta, & partium telluris homogenicarum scientiam, progredimur ad totius telluris generalem naturam; vbi etiam decretum est liberè philosophari, eâdem licentiâ quâ olim Aegyptij, Graeci, Latinique sua dogmata diuulgabant: nam plurimi in illis errores iam diu successiuè ad recentiores scriptores per manus quasi traditi sunt: quibus adhuc dum insistunt scioli, perpetuis quasi in tenebris vagantur. Priscis illis & quasi primis philosophiae parentibus Aristoteli, Theophrasto, Ptolemaeo, Hippocrati, Galeno suus semper honos tribuatur, à quibus dimanauit sapientia ad posteros; sed ętas nostra plurima detexit & in lucem attulit, quae illi etiam si viuerent libenter amplecterentur. Quare & nos eaquae longâ experientiâ inuenimus, probabilibus hypothesibus exponere non dubitauimus, Vale. AD GRAVISSIMVM DOCTISSIMVMQVE VIrum D. Gulielmum Gilbertum, Medicinae apud Londinenses doctorem eximium, Magneticaeque philosophiae parentem; de magneticis hisce libris, Edwardi VVrighti παραίνεσις ἐγκωμιαστική.","prev":{"citation":"De magnete 3","label":"3","url":"https://interlinea.aeterna-institute.org/library/latin/william-gilbert/de-magnete/3","api":"https://interlinea.aeterna-institute.org/api/v1/library/latin/william-gilbert/de-magnete/3"},"next":{"citation":"De magnete 5","label":"PRAEFATIO","url":"https://interlinea.aeterna-institute.org/library/latin/william-gilbert/de-magnete/5","api":"https://interlinea.aeterna-institute.org/api/v1/library/latin/william-gilbert/de-magnete/5"},"credit":{"text":"William Gilbert, De magnete. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/De_magnete","quality":"ocr"}}