{"kind":"section","lang":"la","language":"Latin","title":"De magnete 5","citation":"William Gilbert, De magnete 5","ref":"5","level":null,"urn":null,"url":"https://interlinea.aeterna-institute.org/library/latin/william-gilbert/de-magnete/5","api":"https://interlinea.aeterna-institute.org/api/v1/library/latin/william-gilbert/de-magnete/5","markdown":"https://interlinea.aeterna-institute.org/library/latin/william-gilbert/de-magnete/5.md","author":{"name":"William Gilbert","url":"https://interlinea.aeterna-institute.org/library/latin/william-gilbert"},"work":{"title":"De magnete","url":"https://interlinea.aeterna-institute.org/library/latin/william-gilbert/de-magnete","urn":null},"verse":false,"words":264,"text":"Iquis fortè erit (grauissime vir) qui magneticos hosce libros laboresque tuos parui pendat, istaque studia leuiora, viroque graui grauioribus medicinae studijs consecrato, haudquaquàm satis digna putet; nae ille non mediocriter desipere meritò censendus erit. Maximum enim esse, & planè admirabilem magnetis vsum, vel infimae serè sortis hominibus notius est, quàm vt meâ hoc tempore vel oratione aliquâ longiore, vel commendatione indigeat. Neque sanè (iudicio meo) aut nobilius aliquod, aut humano generi vtilius argumentum eligere potuisses, in quo philosophici tui ingenij vires exereres. IHuius siquidem lapidis diuino beneficio factum est, vt quae tot saeculis, tam vastae orbis continentes, tam infinitis regionum, insularum, populorum, gentiumque numerus, incognita latuere; nostrâ ferè memoriâ iamdudùm detecta sint faciliùs, & saepiùs explorata, totiusque terreni globi ambitus, à nostris etiam Drako & Caundisho (quod in perpetuam ipsorum memoriam dictum volo) non semel circumnauigatus. Ferri namque magnete tacti indicio, austri, septentrionis, orientis, occidentisque puncta, caeteraeque mundi plagę caliginoso coelo & obscurissimâ nocte nauigantibus innotuerunt; ex quo facillimè semper intellexerunt, in quam mundi partem nauigij sui cursum dirigere deberent; quod ante inuentam illam tam admirandam magneticae βοσωλάξεως virtutem impoßibile planè suit 3Hinc nautis olim (vt ex historijs constat) anxietas incredibilis & ingens periculum saepiùs imminebat, cum ingruente tempestate, sublatoque solis, syderumque aspectu, quónam tenderent prorsus ignorarent, nec vlla ratione aut artificio hoc ipsum inuestigare possent. Quanto igitur gaudio perfusos fuisse? qua laetitia exultasse naucleros omnes putemus, cum primùm illis magneticus iste index certißimum sese viae ducem, & quasi Mercurium, praebuißet? Sed neque hoc, magnetico huic Mercurio satis fuit, viam scilicet ipsam indicare, & quonam cursis dirigendus esset digitum quasi intendere; coepit etiam iamdudum & loci ipsius, in quem tenditur, distantiam commonstrare.","prev":{"citation":"De magnete 4","label":"PRAEFATIO","url":"https://interlinea.aeterna-institute.org/library/latin/william-gilbert/de-magnete/4","api":"https://interlinea.aeterna-institute.org/api/v1/library/latin/william-gilbert/de-magnete/4"},"next":{"citation":"De magnete 6","label":"PRAEFATIO","url":"https://interlinea.aeterna-institute.org/library/latin/william-gilbert/de-magnete/6","api":"https://interlinea.aeterna-institute.org/api/v1/library/latin/william-gilbert/de-magnete/6"},"credit":{"text":"William Gilbert, De magnete. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/De_magnete","quality":"ocr"}}