{"kind":"passage","lang":"grc","language":"Ancient Greek","title":"The North Wind and the Sun","citation":"Aesop, Fabulae (Halm) 82","ref":null,"level":2,"urn":"urn:cts:greekLit:tlg0096.tlg002.1st1K-grc1:82","url":"https://interlinea.aeterna-institute.org/read/greek/aesop-north-wind-sun","api":"https://interlinea.aeterna-institute.org/api/v1/passages/greek/aesop-north-wind-sun","markdown":null,"author":{"name":"Aesop","url":null},"work":{"title":"Fabulae (Halm)","url":null,"urn":null},"verse":false,"words":97,"text":"Βορέας καὶ Ἥλιος περὶ δυνάμεως ἤριζον· ἔδοξε δὲ αὐτοῖς ἐκείνῳ τὴν νίκην ἀπονεῖμαι, ὃς ἂν αὐτῶν ἄνθρωπον ὁδοιπόρον ἐκδύσῃ. Καὶ ὁ Βορέας ἀρξάμενος σφοδρὸς ἦν· τοῦ δὲ ἀνθρώπου ἀντεχομένου τῆς ἐσθῆτος, μᾶλλον ἐπέκειτο. Ὁ δὲ, ὑπὸ τοῦ ψύχους καταπονούμενος ἔτι μᾶλλον, καὶ περιττοτέραν ἐσθῆτα προσελάμβανεν, ἕως ἀποκαμὼν ὁ Βορέας τῷ Ἡλίῳ μετὰ τοῦτο παρέδωκε. Κἀκεῖνος τὸ μὲν πρῶτον μετρίως προσέλαμψε· τοῦ δὲ ἀνθρώπου τὰ περισσὰ τῶν ἱματίων ἀποτιθεμένου, σφοδρότερον τὸ καῦμα ἐπέτεινε, μέχρις οὗ πρὸς τὴν ἀλέαν ἀντέχειν μὴ δυνάμενος, ἀποδυσάμενος ποταμοῦ ῥέοντος ἐπὶ λουτρὸν ἀπῄει. Ὁ λόγος δηλοῖ, ὅτι πολλάκις τὸ πείθειν τοῦ βιάζεσθαι ἀνυτικώτερόν ἐστι.","prev":{"citation":"Fabulae (Halm) 33","label":"The Fox and the Grapes","url":"https://interlinea.aeterna-institute.org/read/greek/aesop-fox-grapes","api":"https://interlinea.aeterna-institute.org/api/v1/passages/greek/aesop-fox-grapes"},"next":{"citation":"Anabasis 1.1.1–3","label":"Two Sons of Darius","url":"https://interlinea.aeterna-institute.org/read/greek/xenophon-anabasis","api":"https://interlinea.aeterna-institute.org/api/v1/passages/greek/xenophon-anabasis"},"credit":{"text":"Aesop, Fabulae (Halm) 82. CC BY-SA 4.0. Open Greek and Latin, First1KGreek; edition: K. Halm, Teubner 1872 (fable 82 = Chambry 46); two OCR accents corrected","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://scaife.perseus.org/reader/urn:cts:greekLit:tlg0096.tlg002.1st1K-grc1:82/","quality":"proofread"}}