{"kind":"passage","lang":"grc","language":"Ancient Greek","title":"If Only the Argo","citation":"Euripides, Medea 1–15","ref":null,"level":4,"urn":"urn:cts:greekLit:tlg0006.tlg003.perseus-grc2:1-15","url":"https://interlinea.aeterna-institute.org/read/greek/euripides-medea","api":"https://interlinea.aeterna-institute.org/api/v1/passages/greek/euripides-medea","markdown":null,"author":{"name":"Euripides","url":"https://interlinea.aeterna-institute.org/library/greek/euripides"},"work":{"title":"Medea","url":"https://interlinea.aeterna-institute.org/library/greek/euripides/text-14","urn":"urn:cts:greekLit:tlg0006.tlg003"},"verse":true,"words":81,"text":"Εἴθ’ ὤφελ’ Ἀργοῦς μὴ διαπτάσθαι σκάφος\nΚόλχων ἐς αἶαν κυανέας Συμπληγάδας,\nμηδ’ ἐν νάπαισι Πηλίου πεσεῖν ποτε\nτμηθεῖσα πεύκη, μηδ’ ἐρετμῶσαι χέρας\nἀνδρῶν ἀρίστων, οἳ τὸ πάγχρυσον δέρας\nΠελίᾳ μετῆλθον. οὐ γὰρ ἂν δέσποιν’ ἐμὴ\nΜήδεια πύργους γῆς ἔπλευσ’ Ἰωλκίας\nἔρωτι θυμὸν ἐκπλαγεῖσ’ Ἰάσονος·\nοὐδ’ ἂν κτανεῖν πείσασα Πελιάδας κόρας\nπατέρα κατῴκει τήνδε γῆν Κορινθίαν\nξὺν ἀνδρὶ καὶ τέκνοισιν, ἁνδάνουσα μὲν\nφυγῇ πολιτῶν ὧν ἀφίκετο χθόνα,\nαὐτή τε πάντα ξυμφέρουσ’ Ἰάσονι·\nἥπερ μεγίστη γίγνεται σωτηρία,\nὅταν γυνὴ πρὸς ἄνδρα μὴ διχοστατῇ.","prev":{"citation":"Odyssey 1.1–10","label":"The Man of Many Turns","url":"https://interlinea.aeterna-institute.org/read/greek/homer-odyssey","api":"https://interlinea.aeterna-institute.org/api/v1/passages/greek/homer-odyssey"},"next":{"citation":"History of the Peloponnesian War 1.1.1–3","label":"The Greatest Upheaval","url":"https://interlinea.aeterna-institute.org/read/greek/thucydides-war","api":"https://interlinea.aeterna-institute.org/api/v1/passages/greek/thucydides-war"},"credit":{"text":"Euripides, Medea 1–15. CC BY-SA 4.0. Perseus Digital Library (Tufts University), PerseusDL/canonical-greekLit; edition: G. Murray, Oxford 1902","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://scaife.perseus.org/reader/urn:cts:greekLit:tlg0006.tlg003.perseus-grc2:1-15/","quality":"proofread"}}