{"kind":"passage","lang":"grc","language":"Ancient Greek","title":"The Greatest Upheaval","citation":"Thucydides, History of the Peloponnesian War 1.1.1–3","ref":null,"level":5,"urn":"urn:cts:greekLit:tlg0003.tlg001.perseus-grc2:1.1.1-1.1.3","url":"https://interlinea.aeterna-institute.org/read/greek/thucydides-war","api":"https://interlinea.aeterna-institute.org/api/v1/passages/greek/thucydides-war","markdown":null,"author":{"name":"Thucydides","url":"https://interlinea.aeterna-institute.org/library/greek/thucydides-hist"},"work":{"title":"History of the Peloponnesian War","url":"https://interlinea.aeterna-institute.org/library/greek/thucydides-hist/history-of-the-peloponnesian-war","urn":"urn:cts:greekLit:tlg0003.tlg001"},"verse":false,"words":109,"text":"Θουκυδίδης Ἀθηναῖος ξυνέγραψε τὸν πόλεμον τῶν Πελοποννησίων καὶ Ἀθηναίων, ὡς ἐπολέμησαν πρὸς ἀλλήλους, ἀρξάμενος εὐθὺς καθισταμένου καὶ ἐλπίσας μέγαν τε ἔσεσθαι καὶ ἀξιολογώτατον τῶν προγεγενημένων, τεκμαιρόμενος ὅτι ἀκμάζοντές τε ᾖσαν ἐς αὐτὸν ἀμφότεροι παρασκευῇ τῇ πάσῃ καὶ τὸ ἄλλο Ἑλληνικὸν ὁρῶν ξυνιστάμενον πρὸς ἑκατέρους, τὸ μὲν εὐθύς, τὸ δὲ καὶ διανοούμενον. κίνησις γὰρ αὕτη μεγίστη δὴ τοῖς Ἕλλησιν ἐγένετο καὶ μέρει τινὶ τῶν βαρβάρων, ὡς δὲ εἰπεῖν καὶ ἐπὶ πλεῖστον ἀνθρώπων. τὰ γὰρ πρὸ αὐτῶν καὶ τὰ ἔτι παλαίτερα σαφῶς μὲν εὑρεῖν διὰ χρόνου πλῆθος ἀδύνατα ἦν, ἐκ δὲ τεκμηρίων ὧν ἐπὶ μακρότατον σκοποῦντί μοι πιστεῦσαι ξυμβαίνει οὐ μεγάλα νομίζω γενέσθαι οὔτε κατὰ τοὺς πολέμους οὔτε ἐς τὰ ἄλλα.","prev":{"citation":"Medea 1–15","label":"If Only the Argo","url":"https://interlinea.aeterna-institute.org/read/greek/euripides-medea","api":"https://interlinea.aeterna-institute.org/api/v1/passages/greek/euripides-medea"},"next":{"citation":"Fragments 31 (lines 1–16)","label":"Equal to the Gods","url":"https://interlinea.aeterna-institute.org/read/greek/sappho-31","api":"https://interlinea.aeterna-institute.org/api/v1/passages/greek/sappho-31"},"credit":{"text":"Thucydides, History of the Peloponnesian War 1.1.1–3. CC BY-SA 4.0. Perseus Digital Library (Tufts University), PerseusDL/canonical-greekLit; edition: H. Stuart Jones, Oxford 1910","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://scaife.perseus.org/reader/urn:cts:greekLit:tlg0003.tlg001.perseus-grc2:1.1.1-1.1.3/","quality":"proofread"}}