{"kind":"passage","lang":"grc","language":"Ancient Greek","title":"Two Sons of Darius","citation":"Xenophon, Anabasis 1.1.1–3","ref":null,"level":2,"urn":"urn:cts:greekLit:tlg0032.tlg006.perseus-grc2:1.1.1-1.1.3","url":"https://interlinea.aeterna-institute.org/read/greek/xenophon-anabasis","api":"https://interlinea.aeterna-institute.org/api/v1/passages/greek/xenophon-anabasis","markdown":null,"author":{"name":"Xenophon","url":"https://interlinea.aeterna-institute.org/library/greek/xenophon"},"work":{"title":"Anabasis","url":"https://interlinea.aeterna-institute.org/library/greek/xenophon/anabasis","urn":"urn:cts:greekLit:tlg0032.tlg006"},"verse":false,"words":111,"text":"Δαρείου καὶ Παρυσάτιδος γίγνονται παῖδες δύο, πρεσβύτερος μὲν Ἀρταξέρξης, νεώτερος δὲ Κῦρος· ἐπεὶ δὲ ἠσθένει Δαρεῖος καὶ ὑπώπτευε τελευτὴν τοῦ βίου, ἐβούλετο τὼ παῖδε ἀμφοτέρω παρεῖναι. ὁ μὲν οὖν πρεσβύτερος παρὼν ἐτύγχανε· Κῦρον δὲ μεταπέμπεται ἀπὸ τῆς ἀρχῆς ἧς αὐτὸν σατράπην ἐποίησε, καὶ στρατηγὸν δὲ αὐτὸν ἀπέδειξε πάντων ὅσοι ἐς Καστωλοῦ πεδίον ἁθροίζονται. ἀναβαίνει οὖν ὁ Κῦρος λαβὼν Τισσαφέρνην ὡς φίλον, καὶ τῶν Ἑλλήνων ἔχων ὁπλίτας ἀνέβη τριακοσίους, ἄρχοντα δὲ αὐτῶν Ξενίαν Παρράσιον. ἐπεὶ δὲ ἐτελεύτησε Δαρεῖος καὶ κατέστη εἰς τὴν βασιλείαν Ἀρταξέρξης, Τισσαφέρνης διαβάλλει τὸν Κῦρον πρὸς τὸν ἀδελφὸν ὡς ἐπιβουλεύοι αὐτῷ. ὁ δὲ πείθεται καὶ συλλαμβάνει Κῦρον ὡς ἀποκτενῶν· ἡ δὲ μήτηρ ἐξαιτησαμένη αὐτὸν ἀποπέμπει πάλιν ἐπὶ τὴν ἀρχήν.","prev":{"citation":"Fabulae (Halm) 82","label":"The North Wind and the Sun","url":"https://interlinea.aeterna-institute.org/read/greek/aesop-north-wind-sun","api":"https://interlinea.aeterna-institute.org/api/v1/passages/greek/aesop-north-wind-sun"},"next":{"citation":"On the Murder of Eratosthenes 6–7","label":"A Trusting Husband","url":"https://interlinea.aeterna-institute.org/read/greek/lysias-eratosthenes","api":"https://interlinea.aeterna-institute.org/api/v1/passages/greek/lysias-eratosthenes"},"credit":{"text":"Xenophon, Anabasis 1.1.1–3. CC BY-SA 4.0. Perseus Digital Library (Tufts University), PerseusDL/canonical-greekLit; edition: E. C. Marchant, Oxford 1904","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://scaife.perseus.org/reader/urn:cts:greekLit:tlg0032.tlg006.perseus-grc2:1.1.1-1.1.3/","quality":"proofread"}}